En aragonés de Ribagorza y Sobrarbe, os bezons son os mamiferos chermanos que tetan y medran chuntos,[1][2] bien porque sían naixius de vez de su mai, u bien porque son naixiu de mais diferents pero quasi de vez y alavetz, por una mala pasada (como que una mai se muera, se meta mala u s'aborrezca), se le tien que meter la uno a la mai de l'atro pa que les dé de tetar a os dos.

Corderetz bezons.

En un sentiu figurau, tamién pueden estar dos personas que por tener a edat parellana y estar amigos siempre van chuntas.

A palabra tamién se puede emplegar pa nombrar dos piezas que de regular esperarinos trobar deseparadas pero que por una d'aquellas ha saliu chuntas, como os pans u os fruitos.[3]

ReferenciasEditar

  1. MASCARAY SIN, Bienvenido, Vocabulario del habla de Campo (Ribagorza, Huesca); Prensas Universitarias de Zaragoza + Xordica Editorial. Zaragoza, 2013. ISBN 978-84-96457-87-4
  2. BLAS GABARDA, Fernando y ROMANOS HERNANDO, Fernando, Diccionario Aragonés: Chistabín-Castellano; Institución «Fernando el Católico» + Gara d'Edizions. Zaragoza, 2008. ISBN 978-84-8094-061-0
  3. ARNAL PURROY, Mª Luisa, Diccionario del habla de la Baja Ribagorza Occidental -Huesca-; Institución «Fernando el Católico» + Gara d'Edizions. Zaragoza, 2003. ISBN 84-8094-052-2

Se veiga tamiénEditar