Ballestilla

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

A ballestilla ye un instrumento de navegación antigo emplegato ta mesurar l'altaria d'o sol y atros astros sobre l'horizont con a fin de fer servir a información asinas obtenita en a navegación nautica.

Una descripción d'a ballestilla que fació un chodigo catalán dito Levi ben Gerson en 1342 pareixe estar a noticia mas antiga sobre iste instrumento.

A ballestilla ye un tocho de fusta sobre a que se desliza un atro tocho mas chicot. O marín aplicaba o uello en un extremo d'o instrumento, dirichiba iste enta a estrela que quería conoixer a suya posición y deslizaba o tocho cruzato dica que a parti inferior d'ista coincidiba con l'horizont y a superior con a estrela. L'altaria d'a estrela (anglo que forma con l'horizont) se leyeba dreitament en una graduación gravata en a fusta prencipal.

Os marins —mas que mas os espanyols y os portugueses— feban servir a ballestilla ta determinar a latitut a la que se trobaban a traviés d'a mesura de l'altaria d'a estrela polar sobre l'horizont (l'altaria de Polaris sobre l'horizont ye una buena mida aproximata d'a latitut).

Se veiga tamién

• Astrometría.
• Astronomía de posición.
• Estrela Polar.
• Latitut celeste.
• Nautica.
• Polaris (estrela).
• Sextant.
• Trigonometría.

Referencias

• Datos: Q843239
• Multimedia: Jacob's staff / Q843239