Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Una bada, huelga u vaga/vaca[1] ye una acción feita de forma individual u por un colectivo social que consiste en deixar de fer una cosa u cosas, adintro d'as funcions d'o colectivo u individuo, ta exercer una presión social, con vista a la obtención d'un obchectivo concreto.

  • Bada de fambre: ye una forma de protesta que consiste en deixar d'incherir alimentos mientres o tiempo que sía menester ta que a suya reivindicación sía atendita.
  • Bada laboral: En muitos países ye reconoixita como un dreito d'os treballadors. Consiste basicament en deixar de treballar con l'obchectivo d'aconseguir ventachas laborals u socials, encara que puet estar manifestata d'atras trazas:
Policia reprimindo una bada laboral en Minneapolis, Estaus Unius, 1934

Cuan una bada laboral u d'atro tipo s'estendilla a la mayoría d'os estamientos socials se diz bada cheneral.

  • Termins relacionatos:
    • Esquirol: voz popular que designa a qui se nega a fer bada. Tien un sentito despectivo.
    • Piquet: grupo de vaguistas que miran de que os atros faigan bada, presionando a la resta d'o colectivo, pacificament u no. A os piquez pacificos se les gosa decir piquez informativos ya que se suposa que nomás informen d'o dreito inherent de bada.

Referencias editar