Bada cheneral
|
Iste articlo ye escrito con as normas graficas EFA. Si quiers, puez aduyar cambiando a la grafía oficial de Biquipedia y sacando dimpués ista plantilla. |
Una bada cheneral ye una forma especifica de bada que tien a particularidat de que afecta no nomás que a una interpresa u a una branca de l'actividat economica, sino que afecta a toz os sectors d'actividat economica.
Qui convoca una bada cheneral gosa estar un sendicato u millor o conchunto de sendicatos d'un país u territorio, y a convocatoria se diriche no nomás a os treballadors (a clase obrera en sentito estricto) sino que tamién a estudiants, aturatos, chubilatos, etc. Antiparte, a convocatoria d'una bada cheneral gosa tener l'aduya d'atros sectors que no fan parti d'o movimiento obrero, como partitos politicos, asociacions profesionals, etc.
A convocatoria d'una bada cheneral gosa estar relacionata con decisions de manera politica feitas por o Gubierno u con reivindicacions socials u politicas de tipo cheneral. Mientras o sieglo XIX, as prencipals reivindicacions d'as badas chenerals estioron a millora d'as condicions socials u politicas: reivindicación d'a chornada laboral de 8 horas, reivindicación d'o reconoiximiento d'os propios sendicatos como representants d'a clase obrera, reivindicación d'o dreito a o sufrachio universal, etc.