Au d'astí!
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
| Au d'astí! | ||
|---|---|---|
 | ||
| Nombre | {{{Nombre_de_naiximiento}}} | |
| Embotada | {{{Alias}}} | |
| Naixió | {{{Naiximiento}}} | |
| Murió | {{{Muerte}}} | |
| Información musical | ||
| Orichen | Aragón 
| |
| Estilo | Punk rock y oi! | |
| Ocupancia | {{{Ocupancia}}} | |
| Instrumentos | {{{Instrumento}}} | |
| Tiempo | 2018 - ... | |
| Discograficas | Rock trabucaire (2022) | |
| Relacionau con | {{{Artistas_relacionaus}}} | |
| Pachina web | ||
| Miembros | ||
| Manu González Daniel Ferrer Aleix Almuzara Daniel Castarlenas Diego Bronchal | ||
Au d'astí! ye un grupo de musica punk y oi! aragonés contemporanio que canta en castellano y aragonés. A sobén resumen a suya musica con a esprisión rock trabucaire. Reivindican a cultura aragonesa, l'anticapitalismo y a ruralidat. En particular, esfensan a luenga aragonesa y pareixe que son os unicos dica agora en cantar en a variedat ribagorçana.[1][2]
O grupo ye formau por Manu González, vocalista y compositor,[1] que antis feba parti d'a banda Verbo; Daniel Ferrer y Aleix Almuzara como guitarristas; Daniel Castarlenas en a batería, que tamién veniba de Verbo, y Diego Bronchal de baixista. Provienen de l'ambito rural d'as comarcas aragonesas de Litera, Cinca Meya y Semontano de Balbastro.[2]
Una d'as influyencias mas importants d'a formación ye Kortatu. Tamién lo son os grupos aragoneses Los Segis, Azero, Ixo Rai! y La Ronda de Boltaña; y os bascos Rotten XIII, Brigade Loco, Kaleko Urdangak y Arkada Social. Tamién s'han inspirau en grupos de parla catalana como Los Draps, Obrint Pas u Crim de Tarragona.[1][2]
O suyo nombre fa un homenache a La Ronda de Boltaña, que tién una canción de que diz «Au d'astí puñetas». Curiosament, i heba habiu un grupo de musica homonimo en Uesca en os anyos 2000 ya retirau cuan iste amaneixió.[1][3]
En concreto, Manu González y Daniel Castarlenas ideoron o grupo en 2018 con l'obchectivo de fer musica mas punk. Segundariament, les motivó mas a tensión que i heba con o proceso independentista catalán por ixas envueltas adintro d'o panorama politico espanyol, encara que no estió un feito determinant.[1]
En 2022, financioron parcialment a grabación y publicación en mayo d'o suyo primer disco, Rock Trabucaire, a traviés de micromecenache en a plataforma Verkami.[2][4] Se fació en os estudios Sound of Sirens de Pamplona con a supervisión de Julen Urzaiz.[5] I colaboró como corrector Jorge Pueyo, asinas como Kapi d'Azero y Luis Chesus de Fongo como musicos.[1]
Chunto a os rapers Hijos del Lindano, facioron un colectivo dito Ixufrina que funciona com una cooperativa de grupos de musica.[1]
Referencias editar
- ↑ 1,0 1,1 1,2 1,3 1,4 1,5 1,6 (es) Au D'asti: “Estamos aquí, vamos a luchar por lo nuestro y a hacernos oír”. AraInfo. 30 de chunio de 2022.
- ↑ 2,0 2,1 2,2 2,3 (es) Au d'astí: De pueblo, con mensaje y sin complejos. Somos Litera Radio. Chulio de 2022
- ↑ (es) Au d'astí. Aki Zaragoza. Carla Isern. 7 de marzo de 2013
- ↑ (es) Primer Disco de Au d'astí. Verkami. 2022
- ↑ (es) Au d'astí estrena canción en el Día de Aragón. AraInfo, 23 d'abril de 2022
Vinclos externos editar
- (es) En Facebook
- (es) En Instagram