Artica
- Artiga reendreza ta iste articlo. ta atros usos d'a parola «artiga» se veiga artiga (desambigación).
Una artica,[1] artiga[1][2] u ardica[1] ye una extensión reducida de cultura ganada a'l mont por a via de a destrucción (por tala u en cremando) de a vechetación orichinal.
En o sistema tradicional d'aprofitamiento d'o terreno, se rompeba primer os terrenos mas amanaus de os lugars y puestos habitaus, por motivos lochicos d'accesibilidat y porque soleban estar os de terreno mas cantimplano y mas productivo. As articas, que s'obteneban con procesos de destrucción de a vechetación natural meyant l'acción de «xarticar», «xartigar» u «ixartigar», soleban estar espacios secundarios, luent de lugar, y a sobén poco fertils u petrosos u en a costera de a montanya. Por ixe motivo, as articas soleban estar campos poco apreciaus, que a sobén yeran de titularidat vecinal y se cedeban u s'arrendaban a las familias de menor nivel economico que no se podeban pagar fincas millors.
Se veiga tamién
editarReferencias
editar- ↑ 1,0 1,1 1,2 (an) Diccionario aragonés-castellano-catalán. Versión preliminar. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024.
- ↑ (es) Mariano Peralta Horte: Ensayo de un diccionario aragonés-castellano, 1853, ISBN 978-1168692238, p.26
Datos: Q622543
Multimedia: Slash-and-burn / Q622543
