Antonio Buil y Raso

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Antonio Buil y Raso
1785 - 1850
Información personal
Embotada
Puesto de naixencia	Colungo (Semontano de Balbastro, Aragón)
Puesto de muerte	Valencia (Espanya)
Información militar
Leyaltat	Espanya
Anyos de servicio	{{{servicio}}}
Rango
Mandos
Unidat
Batallas/guerras	Guerra d'o Francés Primera Guerra Carlista * Setio de Lucena (1835) * Batalla de Toga * Batalla de Castellón
Premios	Cruz Laureada de Sant Ferrando
Atras funcions

Antonio Buil y Raso, naixiu de Colungo (Semontano de Balbastro, Aragón) en 1785 y muerto en Valencia (Espanya) en 1850, estió un militar aragonés que luitó en a Guerra d'o Francés y en a Primera Guerra Carlista, estando condecorau con a Cruz Laureada de Sant Ferrando.

Guerra d'o Francés

Mientres a Guerra d'o Francés, Antonio Buil y Raso feba parte d'o Rechimiento de Voluntarios de Segorb con o ran de sarchento.

Primera Guerra Carlista

Mientres a Primera Guerra Carlista la suya actuación estió muit destacada en accions militars en a provincia de Castellón dende lo suyo cargo como comandant cheneral d'a plaza militar de Castellón de la Plana. Asinas, cuan en noviembre de 1835 os carlistas de José Miralles Marín "Serrador" setioron Lucena en o setio de Lucena, Antonio Buil mandó una columna gubernamental que dende Benazal, con o refirme d'un grupo de milicians de Lucena, atacó a los setiadors en redotando-los en a batalla de Toga o 23 de chinero de 1836 y forzando a los carlistas a levar lo setio. Por ista acción, Antonio Buil recibió la Cruz Laureada de Sant Ferrando, la maxima condecoración a lo valor de l'Exercito espanyol.

En 1837 pretendient Carlos decidió marchar enta Madrit dende las suyas bases en o País Basco y Navarra en a dita Expedición Reyal, en trescruzando Aragón dica plegar en a muga d'Aragón con Catalunya, reforzando-se con los carlistas catalans y dimpués plegar en o País Valenciano en trescruzando lo río Ebro ta reforzar-se con las tropas carlistas que mandaba Ramón Cabrera y marchar chuntos enta la capital. Unius en un exercito de 22.000 soldaus, marchoron enta Castellón de la Plana atacando la ciudat lo día 8 de chulio de 1837, estando defendida Castellón por Antonio Buil con una chicota fuerza de 4.000 soldaus, amás d'un batallón d'o Rechimiento d'Infantería numero 6 "Saboya" que li ninvió a escape Borso di Carminati. Las tropas de Buil redotoron a los carlistas en a batalla de Castellón, sin que conseguisen la conquiesta d'a ciudat, encara que marchoron enta Valencia ta chirar dimpués enta l'ueste enta Madrit.

Antonio Buil y Raso morió en la ciudat de Valencia en l'anyo 1850.

Referencias

• Datos: Q20875478