Animal de companyía
- Iste articlo tracta sobre a mascota como animal. Ta o personache identificador animau de marketing, leiga mascota.
Un animal de companyía u mascota[1] ye un animal domestico que tien a fin de fer companyía u ta o disfrute d'o poseyedor. A diferencia d'os animals de laboratorio, animals ta la crianza u bestiar, animals de tiro, animals ta o transporte u animals ta o esporte; os animals de companyía no se crían ta trayer beneficios economicos u alimenticios, encara que sí un beneficio personal.
Os animals de companyía son trigaus por o suyo comportamiento y adaptabilidat, y por a suya interacción con os humans, en a que posiblement se faigan servir como ferramientas de cazata u seguranza. Poseyer un animal de companyía puede trayer a la salut consecuencias positivas ya que o cudiau diario fa ixuplidar a muitas personas unatro tipo de preocupacions, priva a depresión y nos fa sentir útils. Os animals de companyía mas populars son o can y o gato.
L'animal de companyía tamién se caracteriza por estar amigable: se puet decir que a mayoría d'istos animals se converten en domesticos si a persona con a que conviven les amuestra buenos modals en a convivencia diaria, no ixuplidando a suya naturaleza animal.
Historia
editar
L'orichen d'a domesticación animal prencipia arredol de l'anyo 9000 aC en o succeso d'a evolución cultural humana conoixiu como revolución neolítica. Se prencipió a emplegar a os animals con propositos alimenticios, pero tiempo dimpués se descubrió que podeban estar utilizaus como ferramientas u companyers de cazata, adoptando una valura mas productiva como tals que como alimento. Os animals estioron constantment relacionaus con a identidat d'as diferents clases socials en a historia, ya que a capacidat economica permitiba poseyer valuadas y exoticas especies d'animals y plantas.
L'orichen d'a domesticación d'animals ye inexacto, pero se creye que prencipió cuan o ser humano paró cuenta que amenistaba establir ligallos entre él y a naturaleza ta a suya supervivencia y desembolique. S'estima que os cans, una d'as primeras especies animals domesticadas, han estau criaus como animals de companyía dende cuasi fa 10.000 anyos. Arredol de l'anyo 3500 a.C prencipió a domesticación de gatos en Echipto
Salut
editar
Efectos en a salut animal
editarPoseyer un animal de companyía ye traduciu a sobén como una adquisición de responsabilidaz en a que se l'ha de dar a l'animal tot lo que cal ta o suyo correcto desembolique. Ta o cudiau d'un animal de companyía s'amenista una correcta alimentación y un constant cudiau que le prive de cualques malotías, amás de cudiau medico y a imitación d'o suyo ambient natural
Efectos negativos en a salut
editarEntre os efectos negativos en a salut por causa d'un animal de companyía s'enumeran prencipalment as respuestas respiratorias y cutanias d'alerchias y asma. Unatro posible risgo ye l'ataque d'a especie que se tiene como animal de companyía (mosegadas, fizaduras, zarpazos, etc.). Tamién s'ha de parar cuenta en a medrana u fobia enta determinadas especies que tienen bellas personas. Amás, pueden adquirir-se cuantas malotías por patochenos transmesos a traviés d'o contacto animal, como a malotía por esgarranyada de gato, infeccions estomacals, a ornitosis adquirida por o contacto con cualques especies d'aus y a salmonelosi.
Referencias
editar- ↑ (an) Diccionario aragonés-castellano-catalán. Versión preliminar. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024.
