Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
A historia de l'Alcañiz CF prencipió en 1923 cuan una colla d'amigos d'a ciudat decidioron chuntar-se y chugar a o fútbol. Por ixas envueltas o fútbol yera un esporte cuasi esconoixito en o Baixo Aragón, y ye por ixo que a primera faina, trobar un campo ta chugar no estió guaire fácil. A la fin se trobó un terreno en 'Torre de la Tella, una mica luent d'a ciudat. Anyos mas tardi l'Alcañiz CF se tresladó ta Torre de Ram.
En os siguients anyos, antis d'a guerra l'equipo dentró en a Federación Aragonesa y prencipió a chugar partius con atros equipos que ya s'heban establito en a rechión u tamién viachaba muito a sobén ta a capital ta chugar partius con equipos de Zaragoza.
Dimpués de muitos cambeos de campo actualment se chuga en a Ciudad Deportiva Santa María, que tien capacidat ta 2.800 espectadors, y ye de céspet artificial.
As colors d'a equipación de l'Alcañiz naixioron d'a ideya d'o capitan Casimiro Viñas cuan veyió chugar en Barcelona a o Spartak de Praga de negro y blanco. Tamién o mesmo Viñas y Carlos Agudo, atro chugador de l'equipo disenyoron o escudo de l'Alcañiz.
Encara hue se fan servir as mesmas color y o mesmo escudo:
Primera equipación: Camiseta negra, pantalons blancos y calzas blancos.
Segunda equipación: Camiseta negra, pantalons negros y calzas negras.
.jpg)
Datos: Q3572424