Albert Charlot
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
| Albert Charlot | ||
|---|---|---|
| Información personal | ||
| Naixencia | 17 d'agosto de 1892 La Rentería, País Basco
| |
| Muerte | 1991 Barcelona
| |
| Esporte | Atletismo | |
| Profesional en | Atleta y entrenador. | |
| Títols | ||
| Campión d'Espanya de 50 km marcha en 1922. | ||
| Récords d'Espanya de 5.000 metros marcha (1917-1918), 50 km marcha en ruta (1922-1932) y 100 km marcha. | ||
Albert Charlot Gadnaire, naixito de La Rentería o 17 d'agosto de 1892 de país franceses y muerto en Barcelona en l'anyo 1991, fue un poliesportista de prencipios d'o sieglo XX que practicó ciclismo, rugby, cursas de montanya y atletismo, esporte que prencipió a practicar fendo cursas de velocidat, medio fondo, tirada de peso y disco, pero a suya gran contrebución estió a introducción en Catalunya y a l'Estato Espanyol d'a marcha atletica, preba en a que fue una figura destacata.
Tamién fue parte d'os esportistas que facioron o primer partiu de rugby con un equipo de chugadors espanyols cuan en o mes de mayo de 1911 se fació un partiu d'exhibición entre os equipos d'o Club Deportivo Espanyol y l'equipo francés Patrie, con franceses que hi viviban en Barcelona que finalment ganaron por 7 a 0. Por l'equipo francés chugaron: Vaillós, Langlois, Lattes, Guiraud, Boix; Conredor, Mizraki; os chirmans René y Albert Charlot, Villeneau, Reinhard, Clement, Artigas, Folleux y Boneau. Os chugadors d'o CD Espanyol: Castillo; Sampere, Larragaña, Dutisconet, Fidalgo; Rubio, Fidalgo; Rubio, Casas, Santiago Massana, De Guibert, Barraquer, Artigas, Pedro Gibert "El Grapas" y Nogareda.[1][2]
Yera una persona muit conoixita en Barcelona por a suya polivalencia esportiva y por a suya tintoreria que teneba chunto a suyo chirmán en a calle Aribau de Barcelona, o negocio estió activo dica os anyos 1980 cuan se transformó en un café.[3]
Carrera atletica
editarL'atletismo fue l'esporte a on aconsiguió millors resultaus y tamién el que practico mientres mas anayatas. Prencipió con l'equipo d'a SS Pompeia a on practicó tenis y atletismo, pero rapedament cambió ta o CD Espanyol fendo tota mena de prebas a on amostró a suya versatilidat. Tenió os récords de Catalunya de 100, 400, 1.500 i 5.000 metros lisos, tamién practicó tirada de peso y disco, pero a suya gran contrebución a l'atletismo estió a introducción en Catalunya y en l'Estato espanyol d'a marcha atletica. Fue un destacato marchador que aconsiguió ser campión d'Espanya de 50 km marcha en a primera edición d'o campionato en 1922 y tercero en a cuarta en 1931 nueve anyatas dimpués. Tenió os records d'Espanya de 5.000 metros marcha en pista, 50 km marcha en ruta y 100 km marcha en ruta.[4]
O 15 d'Octubre de 1922 en Barcelona se face o primer Campionato d'Espanya de Marcha Atletica en a distancia de 50 kilometros. O circuito yera un recorrito muit amplio por localidaz mugans con Barcelona, a sortida d'a cursa fue en o Parque d'a Ciudadela de Barcelona, dimpués se trescruzó Badalona dica Arenys de Mar y dimpués se tornó por Alella y Granollers dica a meta en o Parque d'a Ciudadela. Albert Charlot aconsiguió o primer puesto con una marca de 5h14'15" y récord d'Espanya que tenió mientres once anyatas dica que Gerau García aconsiguió bajar d'as 5 horas en 1933. O suyos equipos d'atletismo fuoron a SS Pompeya y o Club Deportivo Espanyol.
Como corredor de montanya ganó todas as cursas que se facioron en Catalunya en as que participó.
Una vegata acabata a Guerra Civil y ya retirau d'a practica esportiva fue entrenador de bels rechimientos de l'exercito espanyol y dimpués d'a chovenalla d'a sección d'atletismo d'o RCD Espanyol.[5]
Honors
editar- Dende 1940 dica o 1961 a Unió Esportiva Gracienca organizó o Trofeu Albert Charlot en o suyo honor.[6]
- En 1987 a Dirección Cheneral de L'Esporte d'a Cheneralidat de Catalunya li concedió a Medalla Forjadors de la Història Esportiva de Catalunya.
Referencias
editar- ↑ EL R.C.D. ESPANYOL, PIONERO EN EL MUNDO DEL RUGBY.
- ↑ Folletín de El Mundo Deportivo del 25 de mayo de 1911
- ↑ http://barcelofilia.blogspot.com/2018/01/tintoreria-casa-charlot-aribau-67-1920s.html
- ↑ El atletismo Olímpico Español. RFEA, Madrit 1992. ISBN 84-604-35520
- ↑ (es) Albert Charlot - Pionero del atletismo del RCD Espanyol.
- ↑ Dentrata d'o Trofeu Albert Charlot en a Enciclopedia Catalana.
Vinclos externos
editar- (es) "ALBERTO CHARLOT - PIONERO DEL ATLETISMO DEL RCD ESPANYOL".
- (ca) Dentrata en a Enciclopedia Catalana.
| Campionatos d'Espanya | ||
|---|---|---|
| Predecesor: Establimento d'a preba |
Campión d'Espanya de 50 km marcha 1922 |
Succesor: Guerau García (FC Barcelona) |
| Records d'Espanya | ||
| Predecesor: Establimento d'a preba |
Récord d'Espanya de 5.000 metros marcha 18 de noviembre de 1917 - 1 de setiembre de 1918 |
Succesor: Enrique Badía (CD Espanyol) |
| Predecesor: Establimento d'a preba |
Récord d'Espanya de 50 km marcha 15 d'octubre de 1922 - 10 d'abril de 1932 |
Succesor: Guerau García (FC Barcelona) |
Datos: Q28708234
