Agustina d'Aragón
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
| Agustina d'Aragón | |
|---|---|
.jpg) Agustina d'Aragón | |
| Información personal | |
| Naixida o: | 1786 |
| Naixida de: |  Reus
|
| Muerta o: | 1857 |
| Muerta en: |  Ceuta
|
| Ocupación: | heroína |
Agustina Raimunda Maria Saragossa i Domènech, mas conoixita como Agustina d'Aragón (1786-1857 Ceuta) estió una heroica esfensora de Zaragoza mientres os Setios, en a Guerra d'o Francés.
Se discute o suyo puesto de naixencia, un d'éls se situa en Barcelona, en a Placeta de Montcada, en o Barrio de la Ribera baptizata en a ilesia de Santa María d'a Mar.[1] Manimenos, a-saber-la bibliografia aragonesa recient situa o suyo naiximiento en 1786 en Reus.[2]
Primeras anyadas
editarAgustina se casó a los 16 anyos con Joan Roca Vila-seca, cabo d'artillería. Iste participó dende o prencipio en a Guerra d'o Francés, estando en a batalla d'o Bruc. Os escayeiximientos d'a guerra lo levoron a él y a Agostina ta Zaragoza.
A Guerra d'Independencia
editarMientres o setio de Zaragoza, Agostina fació l'acción heroica por a cual ye celebre. Habendo caito nafratos u muertos toz os esfensors d'a Puerta d'el Portiello, as tropas de l'Exercito francés s'aprecisoron a prener-la por a fuerza. Estando a situación desesperata Agostina, que formaba parti d'una colla de mullers que atendeba a os numerosos feritos, consiguió disparar un canyón sobre as tropas francesas que correban sobre a dentrada aparentemente indefensa. Os asaltants franceses, temiendo una emboscada, se retiroron y nuevos esfensors acudioron a tapar o forato, esfendendo-se a ciudat una vegata mas.
A suya muerte
editarAgustina d'Aragón morió en Ceuta, o 20 de mayo de 1857, a los 71 anyos d'edat. Dica 1870 no fuoron tresladatos as suyas restas ta Zaragoza, descansando primero en o Pilar y dende o 14 de chunio de 1908, as suyas restos chacen en a capiella de l'Anunciación d'a Ilesia de Nuestra Sinyora d'o Portiello, estando veneratos como los d'una gran heroína que con valor y decisión rebuyó as adversidaz y venció a lo enemigo. Se considera como un d'os simbolos mas representativos d'a resistencia aragonesa contra os invasors napoleonicos.
Referencias
editar- ↑ Nomenclàtor del web de l'Ajuntament de Barcelona, extret del llibre Diccionari Nomenclàtor de les vies públiques de Barcelona, 1996 (Ajuntament de Barcelona, 1996), compilato por Jesús Portavella i Isidoro
- ↑ Beltrán, M.; Beltrán, A.; Fatás, G. (dir. y coord.) Aragoneses Ilustres Zaragoza: Caja de Ahorros de la Inmaculada, 1983. pàg. 9-10
Datos: Q718272
Multimedia: Agustina de Aragón / Q718272
