Agronomía
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
L'agronomía ye una rama d'a ciencia que estudiya os cultivos y os suelos án creixen.[1] Os agronomos treballan pa desarrollar metodos que milloran l'uso d'o suelo y augmentar la producción de aliments y atros cultivos. Fan investigación en a rotación de cultivos, o regadío y o drenache, o cultivo de vechetals, la clasificación de suelos, la fertilidat de suelos, o control de malas hierbas y en atras arias.
Cultivo selectivo
editarL'agronomía incluye o cultivo selectivo de vechetals pa producir os millors cultivos en diversas condicions. O cultivo de vechetals ha augmentau o rendimiento d'os cultivos y tamién bi ha augmentau lo valor nutritivo, como en o caso d'o trigo u lo d'o panizo. Tamién ha levau ta o desembolique de nueus tipos de vechetals. Per eixemplo, un cereal hibrido denominau triticale va estar produciu fendo un cruzamiento entre segal y panizo. O triticale contiene mas proteínas que o panizo.
Incheniero agronomo
editarL'incheniero agronomo ye un profesional, titulau superior competent en os ambitos d'a incheniería agronòmica, civil y meyoambiental. Tien competencias reconoixidas en muitos ambitos y exercen a profesión dende l'exercicio libre, dende beluns ambitos administrativos y dende la empresa privada en industrias agroalimentarias, explotacions agropecuarias y atras.
Muitos agronomos son consultors, investigadors u profesors. Muitos d'ellos treballan per estacions agricolas experimentals, achencias federals u estatals, firmas industrials u universidaz. Os agronomos tamién treballan en organizacions internacionals como per eixemplo lo USAID u la Organización per l'Alimentación y l'Agricultura d'as Nacions Unidas.
Entre os ambitos tematicos mas destacaus de l'Incheniero Agronomo i trobamos os siguients:
- Fitotecnia
- Zootecnia
- Industrias agroalimentarias
- Economía agraria
- Incheniería rural
- Incheniería meyoambiental
Materias prencipals
editarEn a formación d'as inchenieras y os incheniers agrònoms s'imparten as siguients materias prencipals:
- Ciencias basicas: matematicas, fisica, quimica y bioquimica, cheolochía, biolochía, dibuixo, etc.
- Ciencias aplicadas: estatistica, quimica agricola, edafolochía, climatolochía, resistencia de materials, mecanica, termodinàmica, electrotecnia, hidraulica, chenetica, botanica, fisiolochía vechetal y animal, operacions basicas industrials y economía.
- Tecnolochía: fitotècnia, producción y protección d'os vechetals, zootècnia, construcción agropecuaria y agroalimentaria, hidrolochía y drenaches agrarios, regadío, tecnolochía alimentaria, millora chenetica vechetal y animal, motors y maquinas, comercialización agraria, contabilidat, control de cualidat, chestión empresarial, lechislación y politica agraria.
En cheneral as ciencias basicas y aplicadas son comúns a toz os estudiants d'incheniería agronòmica, mientres que as tecnolochías son escullidas en o disenyo curricular personal d'a carrera.
En a Escuela Politecnica Superior de Uesca se pueden aconseguir una d'as siguients "mencions":
- Explotacions agropecuarias
- Hortofruticultura y chardinería
- Industrias agrarias y alimentarias
Tamién se puet seguir os estudios con o Máster en Incheniería Agronomica, y o Doctorau
Referencias
editar- ↑ (en)https://web.archive.org/web/20220802211529/https://www.agronomy.org/about-agronomy/ consultau el 26 de chulio de 2022.
