Absolute Power (cinta)
- Iste articlo ye sobre una cinta estausunidense d'intriga politica enguerada en 1997; ta atros usos, se veiga Absolute Power.
Absolute Power (títol orichinal en anglés, en aragonés Poder absoluto, enguerada en Aragón con iste zaguer títol) ye una cinta de cine estausunidense de cine d'intriga politica enguerada l'anyo 1997, dirichida por Clint Eastwood seguntes un guión adaptau por William Goldman (basau en a novela Absolute Power, que heba publicau David Baldacci en l'anyo 1996), con una banda sonora orichinal de Lennie Niehaus, una dirección de fotografía de Jack N. Green, una producción cinematografica de Clint Eastwood y Karen S. Spiegel ta las productoras cinematograficas Columbia Pictures, Castle Rock Entertainment y Malpaso Productions y un elenco formau por Clint Eastwood, Gene Hackman, Ed Harris, Laura Linney, Scott Glenn, Dennis Haysbert, Judy Davis, E. G. Marshall, Melora Hardin, Kenneth Welsh, Penny Johnson, Richard Jenkins, Mark Margolis y Alison Eastwood, entre d'atros actors.
Luther Whitney ye un experto ladrón que mientres un robo presencia casualment l'asasinato d'una muller por os guardaespaldas d'o suyo amant, o president d'os Estaus Unius Alan Richmond, y cómo lo Servicio Secreto encubre l'asasinato, fendo recayer a culpabilidat en o ladrón. Tanimientres, Luther ha conseguiu l'arma que fació servir a muller ta defender-se, un ubrecartas con a sangre y las huellas dactilars d'o president. Seth Frank diriche la investigación pero encara que sospeita d'a intervención de Luther no el creye capable d'un asasinato. Amás, en conoixer a su filla, Kate, prencipia a intresar-se por ella. Tanimientres, Walter Sullivan, o mariu d'a victima, encarga a un sicario que busque y asasine a qui creye culpable d'a muerte d'a suya muller. Amás, o president tamién ordena a lo suyo Servicio Secreto que maten a Luther y, por si ha explicau os feitos a su filla, tamién a ista.
A cinta s'ambienta en a ciudat de Washington, DC en a suya epoca actual (1997) y las suyas escenas se filmoron en Baltimore, Brooklandville, North East y Towson (Maryland), Los Angeles (California) y Washington, DC.[2]
Absolute Power ha recibiu bella nominación a bel premio, encara que no a garra premio d'os mas conoixius u destacaus d'o panorama cinematografico.
| Actor | Papel | Notas |
|---|---|---|
| [[]] | ' |
Se veiga tamién
editarReferencias
editar- ↑ (en) Enguero d'Absolute Power en Internet Movie Database.
- ↑ (en) Localizacions d'Absolute Power en Internet Movie Database.
- ↑ (en) Absolute Power en Internet Movie Database.
Vinclos externos
editar- (en) Absolute Power en Internet Movie Database.
- (en) Absolute Power en TCM Movie.
- (en) Absolute Power en Rotten Tomatoes.
- (en) Absolute Power en Box Office Mojo.
Datos: Q332497
Multimedia: Absolute Power (film) / Q332497
