O chenero Abies ye representato por 33 especies. Son especies que ocupan grans superficies en as altas latituz, pero que asinas como mos adrezamos a las baixas latituz quedan restrinchitas a zonas montanyosas. D'esta traza Abies Sibirica ye a de mayor aria de distribución, (taiga eurosiberiana), seguita d'Abies balsamea en a taiga norteamericana. Abies guatemalensis ye restrinchita a los Monts Cuchumatanes (Guatemala) y ye la mes meridional. Bi ha unas especies d'Abetes que ocupan as montanyas d'a cuenca mediterrania y representan casos d'especiación por aislamiento en antigas islas u microplacas, como ye o caso d'o pinsapo.
