Zalmedina
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
O zalmedina[1] ye un tipo de machistrato d'Aragón entre las epocas musulmana, medieval cristiana y moderna. Desapareixe chunto a la eliminación d'os Fueros d'Aragón en 1707 per Felipe V de Borbón con os Decretos de Nueva Planta.
O zalmedina yera tradicionalment trigau por o rei dica que en 1453 Alifonso V acceptó que se trigase cada anyo lo 8 d'aviento seguindo o procedimiento d'insaculación.[2]
Etimolochía
editarA parola zalmedina procede d'a parola arabe Sahib al-medina que significa chefe d'a ciudat.[3]
Quefers
editarAs suyas atribucions s'especifican en as ordinazions de Zaragoza, y son:
- Visita d'inspección a la garchola, informando-se d'a causa de cada reu y lo suyo estau.
- Triar un avogau d'oficio pa los pobres. Isto se feba conchuntament a lo capitol y concello.
- Prener churamento pa iste avogau, y seguir os suyos progresos.
- Acazar a los malians.
- Actuar en as queixas contra oficials.
- Executar as órdens de pago.
- Nombrar tutors y curadors.
Aduyans d'o zalmedina
editarExistiba tamién un lugartenient d'o zalmedina que sustituyiba a lo zalmedina cuan iste yera ausent d'a ciudat. Amás instruyiba las causas civils de cuantía comprendida entre 50 y 200 sueldos.[4] Amás i heba un asesor d'o zalmedina que yera un letrau asignau pa orientar a lo zalmedina y a lo suyo lugartenient. Per unatra parti los vergueros y sayons yeran os achents executivos d'o zalmedina.
Lista de Zalmedinas de Zaragoza
editar| Nombre | Anyada |
|---|---|
| Sancho Laporta [5] | 1356 |
| Pero Cerdan | 1430 |
| Francisco Palomar | 1453 |
| Micer Martín de Pertusa [6] | 1470 |
| Francisco Agustín [7] | 1534 |
| Vicencio Agustín | 1582 |
| Galacián de Gurrea [8] | 1590 |
| Chuan Hermenegildo d'Arbas | 1626 |
| Diego Gómez de Mendoza | 1670 |
| Esteban Ezmmir y Serán | 1686 |
| Pedro Luis Cavero | 1688 |
| Gerónimo Antón y Sayas | 1693 |
| Manuel de Ribas y Cavero | 1694 |
| Gerónimo Antón y Sayas | 1697 |
| Manuel de Contamina y Ortal | 1698 |
| Adrián Zamora Pérez | 1703 |
| Antonio Pérez de Nueros | 1706 |
| Juan Gerónimo de Blancas | 1707 |
| Jorge de San Martín [9] | 1710 |
Referencias
editar- ↑ (es) Mariano Peralta Horte: Ensayo de un diccionario aragonés-castellano, 1853, ISBN 978-1168692238, p.55
- ↑ (es) María Isabel Falcón Pérez: Ordinaciones reales otorgadas a la ciudad de Zaragoza en el siglo XV: De Fernando I a Fernando II, Institución Fernando el Católico, 2010, ISBN 978-84-9911-077-6 p.8
- ↑ (es) https://web.archive.org/web/20190902144807/http://www.enciclopedia-aragonesa.com/voz.asp%3Fvoz_id%3D13153 Zalmedina en a Gran Enciclopedia Aragonesa
- ↑ (es) María Isabel Falcón Pérez: Historia de Zaragoza: Zaragoza en la Baja Edad Media (siglos XIV-XV), Ayuntamiento de Zaragoza, 1998, ISBN 84-8069-132-8, p.37
- ↑ (es) Luis Blanco Domingo: Una visión institucional de las mutaciones del siglo XIV: El Bayle General de Aragón
- ↑ (es) María Isabel Falcón Pérez: Zaragoza en el siglo XV, Institución Fernando el Católico, 1981
- ↑ (es) José Ignacio Gómez Zorraquino: La Bailía General de Aragón y sus oficiales (siglos XVI-XVII), Pedralbes n°31, 2011
- ↑ (es) Ángel Canellas López: Efemérides concejiles zaragozanas en los siglos XVI y XVII, Cuadernos de Zaragoza n°38, Ayuntamiento de Zaragoza
- ↑ (es) Sergio García Sanchez: Noticias sobre austracistas aragoneses y el secuestro de sus bienes, Revista de Historia Moderna n°25, 2007
Datos: Q6170822
