Vuelo espacial

Articlo d'os 1000

Un vuelo espacial ye l'acción de viachar a u a traviés d'o espacio exterior y se fa con una nau espacial que puet carriar humans a bordo u no. Bells eixemplos de vuelos espacials tripulatos son o programa Soyuz ruso, o programa Space Shuttle estausunidense u la Estación Espacial Internacional; eixemplos de vuelos no tripulatos son as sondas espacials y los satelites artificials en orbita arredol d'a Tierra, tals como satelites de comunicacions.

Os vuelos espacials son emplegatos pa la exploración espacial y tamién pa actividatz comercials como lo torismo espacial y as telecomunicacions por satelite. Belatros usos no comercials d'os vuelos espacials son os observatorios espacials y los satelites d'observación terrestre.

Fases tipicasEditar

Un vuelo espacial per un regular prencipia con un lanzamiento espacial d'un codete que le da lo empentón inicial que amenista pa eslampar d'a fuerza d'a gravedat terrestre y propulsar-lo enta o espacio; una vegata astí, o movimiento d'a nau espacial s'estudia per una aria d'a fisica dita astrodinàmica. Bellas naus espacials están en o espacio pa cutio, atras se desintegran mientres a reentrata atmosferica y atras arriban a una superficie planetaria u lunar sobre la que aterrizan u esclafan.