Vulturín
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
O vulturín,[1][2][3] voltorín,[1][4] vultorín,[5][6] volturín,[7] u vulturino[5] (en ansotano vuitrino[8]) ye una trampa u arte de pesca que s'emplega en os ríos y cequias y que consiste en una cesta u estructura de bimbre con o fondo zarrau, con una atra cesta en forma d'embudo en a botana, que fa fácil d'entrar pero cuasi imposible que a presa torne a salir cuan ya s'ha ficau t'adintro. As formas mas modernas d'iste aparello se fan con bolsas de rete.
Se paraba en os trangos mas estretos por an que os animals acuaticos se vieban forzaus a pasar, como as rasas en os ríos y barrancos u en os auguatiellos d'as cequias, mas que mas cuan se miraba d'atrapar especies que migran contra la corrient (como a enguila), lo que las fa de mas fácil engatusar porque, como van alma a luitar contra la corrient, no s'apercatan nian que se son ficando en a trampa. Bella vez tamién se podeba fer ir a os peixes cara t'an que yera o vulturín debantando un murete con piedras en a glera.
Referencias
editar- ↑ 1,0 1,1 ARNAL PURROY, Mª Luisa, Diccionario del habla de la Baja Ribagorza Occidental -Huesca-; Institución «Fernando el Católico» + Gara d'Edizions, 2003. ISBN 84-8094-052-2
- ↑ MASCARAY SIN, Bienvenido, Vocabulario del habla de Campo (Ribagorza, Huesca); Prensas Universitarias de Zaragoza + Xordica Editorial, 2013. ISBN 978-84-96457-87-4
- ↑ BLAS GABARDA, Fernando y ROMANOS HERNANDO, Fernando, Diccionario Aragonés: Chistabín-Castellano; Institución «Fernando el Católico» + Gara d'Edizions, 2008. ISBN 978-84-8094-061-0
- ↑ TOMÁS ARIAS, Chabier, El aragonés del Biello Sobrarbe. Instituto de Estudios Altoaragoneses, 1999. ISBN 84-8127-095-4
- ↑ 5,0 5,1 «Pesca» en a GEA, consultada o 10 de mayo de 2021.
- ↑ QUINTANA i FONT, Artur, El Aragonés nuclear de Nerín y Sercué (Valle de Vio); Institución «Fernando el Católico» + Gara d'Edizions. Zaragoza, 2007. ISBN 978-84-8094-060-3
- ↑ BLAS GABARDA, Fernando y ROMANOS HERNANDO, Fernando, El Aragonés de Baixo Peñas; Institución «Fernando el Católico» + Gara d'Edizions, 2005. ISBN 84-8094-054-9
- ↑ BARCOS, Miguel Ánchel, El Aragonés Ansotano: estudio lingüístico de Ansó y Fago; Institución «Fernando el Católico» + Gara d'Edizions, 2007. ISBN 978-84-8094-058-0
Se veiga tamién
editar
Datos: Q110099721
