Birolla

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Birolla, bidolla, billolla u millolla (de l'occitán berdolha) son las denominación que recibe lo conchunto de sustancias alimenticias que se consumen en diferents moments d'o día. Una vegada que un organismo vivo se mincha los alimentos, istos proveyen d'elementos ta la suya normal nutrición y permiten la suya conservación.

Muller fendo a birolla.

En cualques zonas como A Fueva ha derivau lo suyo significau enta "lifara". La documenta, entre atros, lo Vocabulario Básico Bilingüe d'Antonio Martínez, lo Diccionario Chistabín de Brian Mott y lo Vocabulario de Baixo Peñas de Fernando Blas y Fernando Romanos.

Expresions comuns

Bi ha muitas expresions relacionadas con a birolla:

• Fer a birolla, cuan se son parando los alimentos ta minchar.
• No piensa que en a birolla, cuan una persona nomás piensa en minchar.
• Estar a l'aglor de la birolla, significa estar a l'atisfa.
• A birolla presta u a birolla feita, cuan las cosas son feitas y no cal treballar.
• A birolla y cama, alochamiento con dreito tamién a comida u estada con tot pagau.
• Chornal a birolla y cama, antiga forma de pago por un treballo, en l'actualidat puet estar un complemento salarial.
• Birollada, abundancia de birolla u muita chent minchando.
• A l'ulor d'a birolla, vichilar u estar a l'aguaita.