Violeta Barba Borderías
| Violeta Barba Borderías | |
|---|---|
_Violeta_Barba_exige_verdad,_justicia_y_reparaci%C3%B3n_en_el_D%C3%ADa_de_la_Rep%C3%BAblica_(cropped).jpg)
| |
| 15 de setiembre de 2016 – 19 de chunio de 2019 | |
| Precediu por | Antonio Cosculluela Bergua |
| Succediu por | Javier Sada Beltrán |
| 18 de chunio de 2015 – 19 de chunio de 2019 | |
| 26 de mayo de 2019 – 3 de chunio de 2019 | |
| Naiximiento | 25 d'octubre de 1987 Zaragoza (Zaragoza)
|
| Partiu | Podemos Aragón |
| Profesión | Avogada laboralista, politica, activista |
| Alma Máter | Universidat de Zaragoza |
Violeta Barba Borderías (Zaragoza, 25 d'octubre de 1987) ye una avogada laboralista y politica aragonesa de Podemos, presidenta d'as Corz d'Aragón entre 2016 y 2019.
Biografía
editarNaixida de Zaragoza, ye filla de Carlos Barba, expresident d'a Sociedat Espanyola d'Electromedicina y Incheniería Clinica. O suyo avuelo, Andrés Borderías Martín estió o primer president d'o sindicato Central Sindical Independiente y de Funcionarios (CSIF).[1]
Licenciada en Dreito por a Universidat de Zaragoza. Remató os suyos estudios superiors con un Máster Universitario en Relacions de Chenero, especializando-se en Chenero y Treballo. Exerció como avogada laboralista y de seguridat social, más que más ligada a la esfensa d'os dreitos civils.[2]
Embrecada en movimientos como o 15M u Democracia Real Ya!, albandonó Izquierda Unida, pa dentrar a fer parti de Podemos. Entré 2015 y 2019 ocupó un d'os 14 escanyos de Podemos en as Corz d'Aragón, estando a numero dos d'o partiu en ista Comunidat Autonoma. Prencipió dita lechislatura como vicepresidenta d'as Corz, pero dimpués d'a renuncia d'o president, Antonio Cosculluela, asumió a presidencia d'o parlamento o 9 de setiembre de 2016, convertindo-se asinas en a primera muller en desempenyar dito cargo, asinas como a persona más choven en fer-lo.[3]
Asinas mesmo, fació parti d'o Consello Ciudadano de Podemos Aragón, coordinando l'Aria de «Chusticia, luita contra a corrupción y seguridat» dica 2020.[4]
Ganadora en febrero de 2019 d'as primarias de Podemos pa trigar l'aspirante d'a formación a l'alcaldía de Zaragoza,[5] fue presentada como cabeza de lista d'a candidatura d'a coalición Podemos-Equo pa las eleccions municipals de 2019 en Zaragoza.[6] Dimpués d'o cantimbás de votos y de concellers obtenius por a suya agrupación en o concello zaragozano, Barba comunicó a suya renuncia a l'acta como concellera, alegando perdua d'ilusión en o prochecto, tornando asinas a o suyo treballo como avogada, estando o suyo posiento ocupau alavez por a tercera en a lista por Podemos, Amparo Bella.[7]
Distincions
editarReferencias
editar- ↑ (es) "Primer presidente de CSIF". https://www.enriquevilanova.com/csif-tu-sindicato/csif-nuestra-historia/.
- ↑ (es) "Biografía Oficial Corz d'Aragón". https://www.cortesaragon.es/Biografia.380.0.html.
- ↑ (es) "Presidencia de las Cortes". https://www.elperiodicodearagon.com/noticias/aragon/violeta-barba-vertiginosa-carrera-presidir-cortes-aragon_1140169.html.
- ↑ (es) "Cargo en Podemos". https://aragon.podemos.info/violeta-barba-borderias/.
- ↑ (es) Violeta Barba gana las primarias de Podemos al Ayuntamiento de Zaragoza. eldiario.es, 8 de febrero de 2019
- ↑ (es) (es) ¿Quién es Violeta Barba, candidata de Podemos a la alcaldía de Zaragoza?. Heraldo, 14 de mayo de 2019
- ↑ (es) Violeta Barba renuncia a su acta como concejal tras el fracaso de Podemos en las elecciones del 26-M. Heraldo, 3 de chunio de 2019
- ↑ (es) "Premio Casa de la Mujer 2014". https://www.zaragoza.es/ciudad/sectores/mujer/informacion/pub-investigacion-mujer.htm.
- ↑ (es) "Premios ARAME 2018". http://www.cepymearagon.es/?p=10393.
| Predecesor: Antonio Cosculluela Bergua |
Presidenta d'as Corz d'Aragón 15 de setiembre de 2016 - 19 de chunio de 2019 |
Succesor: Javier Sada Beltrán |
Datos: Q30727902
Multimedia: Violeta Barba / Q30727902
