Vesicula seminal

As vesiculas seminals (tamién clamadas glandulas vesiculars, u glandulas seminals) son una parella de dos glandulas tubulars contorniadas que se troban dezaga d'a vuixiga urinaria de qualques mamifers masclos.[1] Secretan liquido que compone en parti lo semen.[2]

As vesiculas seminals (numero 10).

As vesiculas tienen un grandaria de 5 a 10 cm, 3 a 5 cm de diametro y se troban entre a vuixiga y lo recto. Tienen multiples evachinacions que contienen glandulas secretoras, que s'unen con os conductos deferents como conducto eyaculador. Reciben sangre de l'arteria vesiculodeferencial y drenan en as venas vesiculodeferencials. As glandulas son revestidas con celulas en forma de columna y cuboidals. As vesiculas son presents en muitos grupos de mamifers, pero no en marsupials, monotremas u carnivoros.[3]

A inflamación d'as vesiculas seminals se diz vesiculitis seminal, a mayoría d'as vegadas se debe a una infección bacteriana como resultau d'una malautía de transmisión sexual u dimpués d'un procedimiento quirurchico. A vesiculitis seminal puede causar dolor en a parti inferior de l'abdomen, l'escroto, o pene u lo peritoneo, echaculación dolorosa y sangre en o semen. Gosa tractar-se con antibioticos, encara que puede requerir esguaz quirurchico en casos complicaus. Atras condicions pueden afectar as vesiculas, incluyidas as anomalías conchenitas, como a falla u a formación incompleta y, con poca freqüencia, os tumors.

ReferenciasEditar

  1. (en) Rowen D. Frandson; W. Lee Wilke; Anna Dee Fails «Anatomy of the Male Reproductive System». A: Anatomy and Physiology of Farm Animals. 7th. John Wiley and Sons, 2009, p. 409. ISBN 0-8138-1394-8
  2. (en) Kardong, Kenneth (2019). "Reproductive system". Vertebrates : comparative anatomy, function, evolution (8th ed.). New York: McGraw-Hill. p. 564. ISBN 9781260092042.
  3. (en) Josef Marx, Franz; Karenberg, Axel (1 febrero 2009). "History of the Term Prostate". The Prostate. 69 (2): 208–213.