Verdenya

A verdenya ye una variedat d'oliva propia d'Aragón. Se troba especialment estendillada por o Semontano de Balbastro, en localidaz como Biarche, Salas Altas, Costean, Lo Grau, Estada y Estadilla, a on ye a variedat prencipal. Tamién ye present en atras comarcas d'a provincia de Uesca como Litera (a on se conoixe como de planta), Cinca Meya (a on se conoixe como del país) y Plana de Uesca (a on se conoixe como manzanilla) y en a provincia de Zaragoza en a val de Xalón (a on se conoixe como verdilla). Tamién i hai oliveras d'ista variedat en a localidat catalana d'Almacellas.

Ye una d'as variedaz autoctonas prencipals definidas en a Denominación d'Orichen Aceite d'o Semontano.

Caracteristicas agronomicas

L'árbol tien una vigor meya, porte ubierto y densidat meya. O suyo fruito, de forma ovoidal, s'emplega prencipalment en a producción d'aceite. Se tracta d'una variedat productiva, pero muit alternant y de maduración tardana.

Se veiga tamién

• Verdenya d'Almazore
• Verdenya de Baells
• Verdenya de Llascuarre

Vinclos externos

• (es) Verdeña. Olivos de Aragón