Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

A vendema[1][2] ye la cullita u recolección de las ugas pa fer vin. Lo tiempo de vendema ye entre chulio y octubre en lo hemisferio norte y febrero y abril en lo hemisferio sud. Esto ye seguntes lo grau de maturación de la uga que se quiera, ye dicir, de l'inte en que la proporción entre los zucres y acidos ye lo millor pa fer lo vin en cuestión. L'inte pa la vendema depende de:

  • Condicions climaticas: contra mas gran la latitut, la uga mas tardana.
  • Zona de producción: las ugas de las vinyas orientatas ta lo sud maturan antes que las que son orientatas ta lo norte. En zonas mas alteras las ugas maturan antes.
  • Tipo d'uga: las vinyas d'uga blanca maturan por un regular antes que las d'uga negra.
  • Tipo de vin que se quiera, determinato por mas u menos de bels componens como:
    • zucres: contra mas zucre tienga la uga, mas grau d'alcol tendra lo vin. Ha de tener la cantidat de zucre chusta pa prencipiar la fermentación alcoholica.
    • acidos: cal sustancias acidas pa que no se i críen bacterias dolentas pa la conservación de lo vin u que puedan producir malautías.
    • components aromaticos: son diferents en o proceso de maturación de la uga, y dan caracteristicas especials a lo vin.
Vendema, Sorrento, Jacob Philipp Hackert, 1784

Tipos de vendema editar

Bi'n ha dos trazas:

  • Manual: ye pa fer vins d'alta calidat y de vins espumosos, en los que cal trigar los carrazos.
  • Mecanica: la vendema mecanica ye mas economica. Cada vegata se fa mas en las zonas vinateras, y ye un feito que se da en las grans explotacions, que necesitan mas man d'obra.

Referencias editar

  1. (es) Mariano Peralta Horte: Ensayo de un diccionario aragonés-castellano, 1853, ISBN 978-1168692238, p.54
  2. (es) Fernando Romanos Hernando Dizionario aragonés de las comarcas de la Alta Zaragoza, p.19

Veyer tamién editar