Veilador

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Un veilador u vilador ye un espacio hostelero exterior (bien en patios u a l'aire libre). A sobén se estableixe como una prolongación externa d'un negocio ya existent como puet estar una tabierna, un restaurant u hotel que se puet realizar a piet de carrera bien siga en o espacio d'una plaza, un chardín, un mirador con anvistas, en o porche d'un edificio, en una sala, u chunto a atros veiladors en un bulevard. Se composa d'una serie de mesas «vestidas» (ye decir con un mantel) y un conchunto de siellas arredol. Iste servicio puet estar protechiu con una pergola (parasols u uembrerillas) que guardan a os clients d'o mal orache, u que proporcionan uembra. Os veiladors han estau emplegaus en os puestos turisticos como espacios de servicio hostelero de valura anyadida. O cobro de propinas debidas a o servicio d'o cambrero penderá d'os costumbres, normas y usaches de cada país.

Veilador en Tallinn, Estonia.

Apilamiento de siellas pa servicio d'una veilador.

Caracteristicas

O veilador quedará catalogau por o numero de mesas a estar atendidas por os cambreros. En muitos casos a suya aria de servicio ye subchecta a impuestos municipals por ocupar una superficie urbana u vía publica, o suyo uso por temporada, horarios d'ubertura y zarre, publicidat, disposición d'os veiladors en a vía publica, instalación d'electricidat, etc. Puet disponer d'un aria acotada con chardineras, baranas u toldos, y mesas y siellas gosan estar feitas con materials que permitan estar montadas en prencipiar a chornada y desmontadas en rematar a mesma. O suyo utillache minimo gosa estar un sarvilletero, un menú y un mantel puestos sobre a mesa. Tamién puet disponer de servicios d'acondicionamiento como aire acondicionau, estufas, filo musical, pantallas, etc.

A gama, muit ampla puet ir dende veiladors de restaurants de luxo dica veiladors d'autoservicio.

Referencia

• Datos: Q1028869
• Multimedia: Sidewalk cafés / Q1028869