Vasuera espacial

Vasuera espacial (u tamién ferralla espacial) (en anglés space debris u space junk) ye una parola emplegada pa designar obchectos artificials en o espacio que ya no cumplen una función util. Istos obchectos pueden estar satelites abandonaus y etapas de s gastaus pero tamién atros mas chicorrons como tacas de pintura u fragmentos de colisions.

Vasuera espacial arredol d'a Tierra.

ImpautoEditar

A vasuera espacial represienta un grieu periglo pa las naus espacials.[1] A suya cantidat ha iu en aumento en as zagueras anyadas con o creixent uso d'o espacio. En febrero de 2020, s'estimaba que i heba mas de 128 millons de piezas d'enruenas de menos d'1 cm , aproximadament 900,000 piezas d'enruenas d'1 a 10 cm, y arredol de 34,000 piezas de mas de 10 cm yeran en orbita arredol d'a Tierra.[2]

Mesmo o impauto de chicotas chislas, a causa d'a suya elevada velocidat, pueden fer grieu mal a las naus espacials y mesmo destruir-las u deixar-las inservibles como que succedió en 1996 quan un troz d'un codete Ariane topetó con o satelite Cerise u o 10 de febrero de 2009 quan o satelite Iridium 33 tuvo un topetazo con o satelite abandonau Kosmos 2251 producindo a destrucción de todas dos naus y chenerando una enorme cantidat de replegadizos.[3]

Se teme que se plegue a un punto en o qual i haiga tanta vasuera espacial que os rebuscallos cheneren colisions entre ells chenerando encara mas enruena en un efecto en cadena clamau sindrome de Kessler o qual deixaría inservible l'acceso a o espacio por centenars d'anyadas.

SolucionsEditar

En l'actualidat a os disenyadors d'un nuevo vehíclo espacial u satelite se les exiche con freqüencia que contrimuestren que se puede eliminar de forma segura a la fin d'a suya vida util, por eixemplo, por meyo de l'uso d'un sistema de re-dentrada atmosferica controlada u un empento enta una orbita clamada orbita fosal.

S'han usau y proposau quantas solucions pa la vasuera que ya existe en l'espacio:

  • Maniobras d'evasión: os grans trozos de vasuera espacial son seguius permanentment dende Tierra por meyo de radar y quan se detecta un amanando-se a un satelite u una nau tripulada s'efectúa una maniobra pa privar a colisión. Dende 1999 dica 2014 a Estación Espacial Internacional ha efectuau 16 maniobras d'iste tipo.[4]
  • Escudo Whipple: belunas naus espacials ya transportan iste tipo d'escudo especialment pensau contra micrometeoritos y vasuera espacial.
  • Escopallo laser: por meyo d'un rayo laser disparau dende Tierra calentaría un costau d'as bolisas de vasuera provocando un chicot empento en ellas, pro pa que encieten a suya caita en l'atmosfera an se desintegrarían.
  • Retz desplegaus en o espacio que replegarían a borrufalla. Se fació una preba en setiembre de 2018 con o satelite DebrisSat 1.

ReferenciasEditar