Tractato de París (1763)

Iste articlo ye sobre o Tractato de París de 1763; t'atros usos, se veiga Tractato de París.

O Tractato de París u Paz de París estió un tractato internacional sinyato o 10 de febrero de 1763 en a ciudat de París (Reino de Francia) entre os representants d'o Reino Unito, o Reino de Francia y Espanya (representando o Reino Unito a o suyo aliato o Reino de Portugal), por o qualo remataba a situación de guerra entre ixos países, a dita Guerra d'as Siet Anyadas. O tractato no afectaba ni a o Reino de Prusia ni a la Austria d'a Monarquía habsburguica, que sinyoron o Tractato de Hubertusburg ta rematar a guerra.

Totz os partecipants en a Guerra d'as Siet Anyadas, con os suyos territorios a meyatos d'os anyos 1750, antis d'a guerra:
*Azul: Reino Unito, Reino de Prusia y Reino de Portugal d'una man.
*Verde: Reino de Francia, Espanya, Austria, Imperio ruso y Suecia d'atra man.

A caracteristica prencipal d'o tractato estió que ubrió camín a un tiempo de dominio d'o Reino Unito en os asuntos europeus y li permitió amás consolidar u enamplar o suyo dominio de quantos territorios arredol d'o mundo (encluyendo-ie a isla de Menorca).