Todo es posible en Granada (cinta de 1982)
- Iste articlo ye sobre una cinta de comedia musical de cine espanyol de l'anyo 1982; ta atros usos, se veiga Todo es posible en Granada y Todo es posible en Granada (cinta).
Todo es posible en Granada (títol orichinal en castellano, en aragonés Todo ye posible en Granada, enguerada n Aragón con o suyo títol orichinal) ye una cinta de cine espanyol de l'anyo 1982 de cine de comedia muical romantica dirichida por Rafael Romero Marchent seguntes un guión adaptau por Vicente Coello y Rafael Romero Marchent (basau en una historia de José Luis Sáenz de Heredia y Carlos Blanco), con una banda sonora orichinal de Gregorio García Segura, una dirección de fotografía de Domingo Solano y una producción cinematografica d'Alfredo Fraile ta la productora cinematografica Filmayer. Conta con un elenco formau por Manolo Escobar, Tessa Hood, Manolo Gómez Bur, Luis Varela, Rafael Alonso, Luis Barbero, Félix Dafauce, José Moreno, Francisco Nieto, Emilio Fornet y Rafael Romero Marchent, en os papels principals d'a cinta.
A cinta, que ye un remake de Todo es posible en Granada (1954, José Luis Sáenz de Heredia), conta cómo Manolo Ortega ye propietario d'una chicota finca que quiere mercar una empresa estausunidense en haber en a redolada minerals d'intrés. Tanimientres, encara que li ufren mercar-li a buen pre, Manolo terne que terne se niega a fer a venda. Ta convencer-lo, os estausunidenses ninvían a Margaret, una d'os suyos exceutivos, que viacha acompanyada de su novio. Cuan plegan, prencipian una labor d'investigación sobre Manolo dica que descubren que o suyo punto débil ye l'intrés que siente por as mullers, asinas que Margaret s'adedica a enamorar-lo, Finalment consigue que iste li explique lo suyo secreto: en as tierras bi ha un tresoro amagau, que nomás apareixerá fisicament si se pronuncia una determinada conchira. O problema ye que lo documento a on de indicaba cuala yera la dita conchira ha despareixiu.
A cinta s'ambienta en a suya epoca actual (1982) en a ciudat de Granada en Andalucía, y las suyas escenas se filmoron en ixa mesma ciudat.[2][3]
| Actor | Papel | Notas |
|---|---|---|
| ' |
Se veiga tamién
editarReferencias
editar- ↑ (en) Enguero de Todo es posible en Granada en Internet Movie Database.
- ↑ (es) Recuerdos de Manolo Escobar en Granada, en Ideal, 24 d'octubre de 2013.
- ↑ (es) 10 lugares de Granada que han aparecido en series y películas, en Ideal, 8 d'agosto de 2019.
- ↑ (en) Todo es posible en Granada en Internet Movie Database.
Datos: Q83788661
