The Negotiator

The Negotiator
Títol	The Negotiator
Ficha tecnica
Dirección	F. Gary Gray
Dirección artistica	Kevin Ishioka
Producción	David Hoberman Arnon Milchan
Disenyo de producción	Holger Gross
Guión orichinal	James DeMonaco Kevin Fox
Musica	Graeme Revell
Fotografía	Russell Carpenter
Montache	Christian Wagner
Escenografía	Richard C. Goddard
Vestuario	Francine Jamison-Tanchuck
Maquillache	Linda Boykin-Williams Marietta Carter-Narcisse Louis Lazzara Tania McComas
Peluquería	LunYé Marsh Tara McCarthy Carol A. O'Connell Robert L. Stevenson Alicia M. Tripi
Casting	David Rubin
Actors	Samuel L. Jackson Kevin Spacey David Morse Ron Rifkin John Spencer J. T. Walsh Paul Guilfoyle Siobhan Fallon Paul Giamatti Regina Taylor
Color	Technicolor Panavision
Datos y cifras
País(es)	Estaus Unius
Anyo	1998
Debantadera	29 de chulio de 1998 Estaus Unius
Chenero(s)	Cine d'intriga Cine policiaco
Durada	139 min.
Idioma(s)	Anglés
Companyías
Productora(s)	Regency Enterprises Mandeville Films New Regency Taurus Films
Distribución	Warner Bros.
Estudio(s)	Pinewood Studios Raleigh Studios
Presupuesto	43,5 millons de dólars
Recauto	88 millons de dólars
Informacions en bases de datos especializadas:

The Negotiator (títol orichinal en anglés, en aragonés O negociador, enguerada en Aragón con o títol de Negociador) ye una cinta de cine estausunidense de cine d'intriga policiaca enguerada l'anyo 1998, dirichida por F. Gary Gray seguntes un guión orichinal de James DeMonaco y Kevin Fox, con una banda sonora orichinal de Graeme Revell, una dirección de fotografía de Russell Carpenter y una producción cinematografica de David Hoberman y Arnon Milchan ta las productoras Regency Enterprises, Mandeville Films, New Regency y Taurus Films. Conta con un elenco d'actors d'o cual en fan parte, entre d'atros, Samuel L. Jackson, Kevin Spacey, David Morse, Ron Rifkin, John Spencer, J. T. Walsh, Paul Guilfoyle, Siobhan Fallon, Paul Giamatti y Regina Taylor.

Danny Roman treballa como negociador d'hostaches ta la Policía de Chicago, fendo una labor bien reconoixida en o suyo treballo. Cuan lo suyo companyero Nate Roenick li diz que tien sospeitas d'un important desfalco de diners d'o fundo de pensions d'o departamento, l'asasinan y se troba con que aparixen prebas de que Danny ye titular d'importants depositos de diners fuera del país, amás d'atras prebas circumstancials que apuntan a que él ye l'asasino d'o suyo companyero. Obligan a Danny a tornar as suyas placa y arma de policía y los suyos companyeris amuestran escepticismo dabant d'as suyas afirmacions de que ye inocent. Trobando-se inculpau, marcha enta la oficina de Niebaum, l'achent d'afers internos que ye a lo cudiau d'o caso y a qui lo difunto Nate presentaba como un d'os responsables d'o desfalco, y finalment remata por secuestrar-lo a él, a la funcionaria Maggie que se trobaba en a oficina, a lo policía (que amás ye lo suyo amigo) Grant Frost y a Rudy Timmons, un estafador que yera tamién en as oficinas. S'ubre asinas un caso de secuestro y Danny demana que intervenga un negociador d'hostaches que no perteneixe a la suya comisaría, en haber-li dito lo difunto Nate que muitos d'os miembros d'ixa comisaría yeran implicaus en o desfalco.

A cinta s'ambienta en o suyo momento actual (1998) en a ciudat de Chicago en Illinois y las suyas escenas se filmoron en Chicago (Illinois) y Long Beach y Los Angeles (California) y en os Raleigh Studios en os Estaus Unius y en os Pinewood Studios en Buckinghamshire en o Reino Uniu.

Ye una cinta que ha recibiu bels premios y nominacions, encara que garra d'éls no fa parte d'os premios cinematograficos mas conoixius u destacaus.

Elenco

Actor	Papel	Notas
[[]]	'

Se veiga tamién

• Cine en 1998.
• Cintas de 1998.

Vinclos externos

• (en) The Negotiator en Internet Movie Database.
• (en) The Negotiator en TCM Movie.
• (en) The Negotiator en AllMovie.
• (en) The Negotiator en Rotten Tomatoes.
• (en) The Negotiator en Metacritic.
• (en) The Negotiator en Box Office Mojo.

• Datos: Q1428715