The IT Crowd

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

The IT Crowd ye una comedia de situación britanica transmitida orichinalment por a canal de televisión britanica Channel 4, escrita por Graham Linehan, producida por Ash Atalla y protagonizada por Chris O'Dowd, Richard Ayoade, Katherine Parkinson y Matt Berry. Ubicau en as usinas d'a ficticia Reynholm Industries en Londres, o programa chira arredol d'os tres miembros d'o personal d'o suyo departamento d'informatica (en anglés IT): o programador informatico Maurice Moss (Richard Ayoade), o timido Roy Trenneman (Chris O'Dowd), y Jen Barber (Katherine Parkinson), a chefa de departamento / cherent de relacions que no sabe brenca sobre ordinadors. O programa tamién s'enfoca en os chefes de Reynholm Industries: Denholm Reynholm (Chris Morris) y mas tardi, o suyo fillo Douglas (Matt Berry). O tecnico gotico Richmond Avenal (Noel Fielding), que reside en a fosca sala de servidors, tamién amaneixe en cuantos episodios.

The IT Crowd.

A comedia s'engueró en Channel 4 o 3 de febrero de 2006 y se desembolicó entre cuatro series de seis episodios cadaguna. Encara que s'encargó una quinta temporada d'a serie, no se produció. O programa concluyó con un episodio solenco y especial que s'emitió o 27 de setiembre de 2013. O programa estió aclamado por a critica y s'ha convertiu en una serie de televisión de culto.

Personaches

• Roy Trenneman (Chris O'Dowd): Roy ye un tecnico d'informatica pro vago que fa grans esfuerzos pa enguiliar o suyo treballo diario. S'alimenta de minchada vasuera (donuts, pizza, pastels) y tien pocas memorias sobre as suyas estudios, encara que contrimuestra que ye de sobras capaz de fer o suyo treballo. Ye un gran aficionau d'os cómics y gosa leyer-los en horas de treballo. En cada episodio leva una camiseta significantement nerd/geek.​ Antis d'estar un mocet informatico yera cambrero. O suyo orichen irlandés gosa estar motivo de bastants gags dentro d'a serie.
• Maurice Moss (Richard Ayoade): Moss, de 32 anyadas d'edat, ye o tipico nerd. Amuestra sinyals tanto d'o sindrome d'Asperger como que de tener un comportamiento tipicament d'un nerd. Os detalles graciosos d'iste personache vienen d'os suyos comentarios y d'a suya detallada y exhaustiva conoixencia. Vive con a suya mai y apalabra citas en linia. Tanto él como Roy sienten que nunca tendrán a reconoixencia que deseyan en l'interpresa Reynholm Industries.
• Jen Barber (Katherine Parkinson): Jen ye una muller que s'incorpora a lo departamento en o primer episodio. Ye nueva en a companyía, nombrada responsable de l'aria de forma accidental por o suyo chefe, o Sr. Denholm, manimenos o suyo desconoiximiento sobre ordinadors u tecnolochía en cheneral. Luego adapta lo cargo a responsable de relacions humanas. Ha admitiu a suya propensión a contar mentiras pa aconseguir os suyos obchectivos, como que contrimuestra o suyo actual cargo como responsable d'o departamento.
• Denholm Reynholm (Chris Morris): Denholm ye o director de Reynholm Industries. Ye una parodia d'un directivo moderno, a tota hora disposau a proposar nuevas y cuasi a tota hora ridiclas iniciativas, como que os escusaus mixtos, os seminarios pa combatir l'estrés y atras ideyas igualment lamentables, todas ellas con a intención d'amillorar a productividat d'una companyía que achuga por logar chent atractiva que treballan mica, ocupando o suyo tiempo en un empandullo de relacions adulteras entre éls. Denholm se distraye con facilidat y presta poco ficacio a la chent con a cual conversa.
• Richmond Avenal (Noel Fielding): Ye un extranyo mocet gotico (que ye belún que s'identifica con a suya estetica promovida por as bandas de rock gotico) que a suya devoción ent'a banda de rock gotica "Cradle of Filth" acaba con a suya corrida como segundo d'a bordo d'a companyía. Treballa solament en la sala de servidors, dimpués d'a puerta roya, ignorau por a resta d'o departamento.
• Douglas Reynholm (Matt Berry): Ye o fillo d'o director de Reynholm Industries, no fa aparición en a serie dica o suicidio d'o suyo pai Denholm cuan hereda a interpresa convertindo-se en o nuevo director. Tien un caracter pro extrovertiu y tien chudicios pendients por acoso a mullers.

Temporadas

Temporada	Calendata d'emisión orichinal	Episodios
1	3 de febrero de 2006	6
2	24 d'agosto de 2007	6
3	21 de noviembre de 2008	6
4	25 de chunio de 2010	6
Especial	26 de setiembre de 2013	1