The Heat (cinta)
- Iste ye un articlo sobre una cinta de comedia policiaca d'acción estausunidense de 2013; ta atros usos, se veiga The Heat.
.svg){kind=small}
The Heat (títol orichinal en anglés, en aragonés A calor, enguerada en Aragón con o títol en castellano de Cuerpos especiales, en aragonés Cuerpos especials) ye una cinta de cine de comedia policiaco d'acción (una "buddy cop") coproducida por o cine britanico y lo cine estausunidense, enguerada l'anyo 2013, dirichida por Paul Feig seguntes un guión orichinal de Katie Dippold, con una banda sonora orichinal de Michael Andrews, una dirección de fotografía de Robert Yeoman, una producción cinematografica a lo cudiau de Peter Chernin y Jenno Topping ta las productoras Chernin Entertainment, TSG Entertainment, Ingenious Media y Big Screen Productions y con un elenco d'actors formau por Sandra Bullock, Melissa McCarthy, Demián Bichir, Marlon Wayans, Michael Rapaport, Jane Curtin, Spoken Reasons, Dan Bakkedahl, Taran Killam, Michael McDonald, Tom Wilson, Michael B. Tucci, Joey McIntyre, Bill Burr, Nate Corddry, Jessica Chaffin, Jamie Denbo, Adam Ray, Kaitlin Olson, Tony Hale, Andy Buckley, Ben Falcone, John Ross Bowie, Chris Gethard, Steve Bannos, Zach Woods, Katie Dippold, Mitch Silpa y Paul Feig.
As protagonistas d'a cinta son Sarah Ashburn, una achent d'o Federal Bureau of Investigation destinada en Nueva York a qui su chefe li ufre la posibilidat d'un ascenso y que ye considerada como una gran experta (encara que no masiau apreciada por os suyos companyeros) y Shannon Mullins, una achent d'a Policía de Boston prou zaborrera pero que tamién ye muit bien considerada profesionalment (encara que tampoco no masiau bien vista por os suyos companyeros). Cuan encargan a Sarah que marche enta Boston ta interrogar a un narcotraficant, troba que qui l'ha deteniu ye Shannon y que todas dos s'entrinquillan por l'interrogatorio d'o sospeitoso. Tanimientres, o chefe de Sarah li ordena colaborar con Shannon en a investigación, en considerar que conoix muito millor a situación de Boston, y finalment prencipian a colaborar, naixendo poquet a poquet entre ellas un mutuo respecto a mida que abanza la investigación, encara que no siempre contan con l'aval d'os suyos respectivos superiors.
A cinta s'ambienta en a suya epoca actual (2013) en as ciudaz de Nueva York y Boston, y las suyas escenas se rodoron en Boston y Danvers (Massachusetts).[2]
Se tracta d'una cinta con cuantos premios y nominacions recibius, pero que garra d'éls no fa parte d'os prencipals u mas conoixius premios cinematograficos.
| Actor | Papel | Notas |
|---|---|---|
| [[]] | ' |
Se veiga tamién
editarReferencias
editar- ↑ 1,0 1,1 (en) Enguero de The Heat en Internet Movie Database.
- ↑ (en) Localizacions de The Heat en Internet Movie Database.
- ↑ (en) The Heat en Internet Movie Database.
Vinclos externos
editar
Se veigan as imáchens de Commons sobre ¡¡The Heat.- (en) The Heat en Internet Movie Database.
- (en) The Heat en Box Office Mojo.
- (en) The Heat en Rotten Tomatoes.
- (en) The Heat en Metacritic.
Datos: Q135156- Multimedia: The Heat (film) / Q135156
