Terminator 3: Rise of the Machines
.svg){kind=small}
Terminator 3: Rise of the Machines (títol orichinal en anglés, en aragonés Terminator 3: l'ascenso d'as maquinas, enguerada en Aragón con o títol en castellano de Terminator 3: la rebelión de las máquinas, en aragonés Terminator 3: a rebelión d'as maquinas) ye una cinta de cine d'acción de ciencia-ficción enguerada l'anyo 2003, dirichida por Jonathan Mostow seguntes un guión adaptau por John Brancato y Michael Ferris (basau en una historia de John Brancato, Michael Ferris y Tedi Sarafian), con una banda sonora orichinal de Marco Beltrami, una dirección de fotografía de Don Burgess, una producción cinematografica de Hal Lieberman, Colin Wilson, Mario F. Kassar, Andrew G. Vajna y Joel B. Michaels ta las productoras Intermedia y C2 Pictures y que conta con un elenco d¡o cual en fan parte, en os suyos papels principals, os actors Arnold Schwarzenegger, Nick Stahl, Kristanna Loken, Claire Danes, David Andrews, Mark Famiglietti, Earl Boen, Moira Sinise, Chopper Bernet, Christopher Lawford, Carolyn Hennesy, Jay Acovone, M.C. Gainey, Susan Merson, Elizabeth Morehead, Jimmy Snyder, Billy D. Lucas y Brian Sites.
En ista tercera entra d'a franquicia cinematografica Terminator, ambientada 10 anyadas dimpués d'a destrucción de Cyberdyne Systems, John Connor malvive como un pallaranco dimpués d'a muerte de su mai, Sarah Connor encara que con medrana d'estar perseguiu por Skynet, la intelichencoa artificial que destruyó cuan encara no heba naixiu. Tanimientres, Skynet, que sí que existe, ninvía en o pasau a un TX, un prototipo avanzau de Terminator formau por metal liquido, capable d'adaptar cualsiquier forma, con l'obchectivo de matar-lo a él y a los suyos lugartenients antis de que pleguen a estar-lo. Entre las suyas victimas potencials se troba Kate Brewster, la futura muller y man dreita de John. Tanimientres, nuevament a Resistencia humana consigue ninviar aduya, en forma d'un Terminator T-850 que ha estau reprogramau ta tener como obchectivo salvar a vida de John y Kate. O TX va cumplindo los suyos obchectivos, matando a bels futuros lugartenients, pero cuan plega en casa de Kate resulta que John tamién i ye, en estar Kate una albeitar y haber dentrau Jon a robar medicamentos ta animals ta drogar-se. Pero cuan lo TX ye amán de cumplir o suyo obchectivo, plega tamién en o lugar o T-850, qui consigue evitar-lo y se leva a toz dos, marchando enta lo presunto mausoleu a on ye apedacada Sarah Connor y que en realidat resulta estar un deposito d'armas. O T-850 explica alabez que la destrucción de Cyberdyne Systems no consiguió evitar o Día d'o Chudicio Final, nomás consiguió que apolargar-lo. Descubren que lo pai de Kate ye lo cheneral Brewster y que chustament él ye lo resposable de l'activación de Skynet, asinas que toz tres marchan enta lo puesto de mando d'o cheneral, perseguius de contino por o TX.
A cinta s'ambienta en Los Angeles en o suyo momento actual (2003) y en o futuro, y las suyas escenas se filmoron en Acton, Agua Dulce, Beverly Hills, Big Bend, Culver City, Downey, Glendale, Lancaster, Los Angeles, Palmdale, Santa Clarita y Whittier en California, amás d'en os New Deal Studios y los Los Angeles Center Studios en Los Angeles y en os Downey Studios en Downey.[2]
Se tracta d'una cinta que ha recibiu bels premios y nominacions, encara que garra d'éls no fa parte d'os premios cinematograficos mas conoixius u destacaus.
| Actor | Papel | Notas |
|---|---|---|
| [[]] | ' |
Se veiga tamién
editarReferencias
editarVinclos externos
editar- (en) Pachina web d'a cinta.
Datos: Q29054009
Multimedia: Terminator 3: Rise of the Machines / Q29054009
