Telecadiera

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Una telecadiera u telesiella ye una remontadera que ye formada por una serie de cadieras u siellas penchadas d'un cordón tractor que circula a velocitat fixa y que se refirma en diversas pilonas.

Telecadieras en Australia.

L'altaria d'o cordón respective a lo nivel d'a nieu ye como minimo a necesaria ta que un esquiador pueda pasar por debaixo d'as cadieras sin de tocar con a capeza os esquís d'a chent que ye posada en a cadiera (y que en cheneral levan os esquís puestos). Nomás en plegando ta las estacions de prencipio y final de trachecto, o cordón s'amana mas a la tierra, de manera que os culs d'as cadieras quedan a l'altaria d'os chenullos d'os esquiadors, que asinas podran puyar-ie y baixar-ne con facilidat.

Ta evitar que, una vegada que s'han posau, os esquiadors caigan d'a cadiera, ista dispone a sobén d'un elemento de seguridat que lo impide (antigament una cadena que cadagún heba de ligar a los laterals, actualment una barra que se baixa y que a sobén leva incorporau un refirme ta os piez). O numero de posibles ocupants por cadiera ye d'entre un y ueito, estando as mas frecuents hue en día de 4 y 6 personas. Ta mirar de suavizar o impacto de l'orache, a vegadas s'instala en as cadieras una mena de carcasa transparent que se puet baixar voluntariament (igual que as protección de seguridat) que tapa o cuerpo d'os ocupants (pero no os piez, que continan estando a la intemperie). Son as ditas telecadieras cabinadas.

Vinclos externos

• Se veigan as imáchens de Commons sobre telecadiera.