Un tapabocas[1] ye una pieza de ropa utilizada ta mantener calient o cuello. A chent la fa servir a sobén cuan ye malauta, le fa mal o cuello u simplament fa fredor.

Mesacha con un tapabocas que le cubre a cara.

Por un regular son feitos de lana, pero tamién se fan servir d'atras menas de tela.

Historia editar

L'Antiga Roma ye un d'os orichens d'o tapabocas, a on se feba servir por razons de limpieza. Se deciba sudarium y s'emplegaba ta protecher a cara y o cuello d'o sol y d'o viento,[2] y limpiar a sudor d'o cuello y a cara en epocas calurosas. En primeras, os hombres los levaban arredol d'o cuello u ligaus a o cincho, y poco dimpués as mullers prencipioron a emplegar-los. Yeran feitos de tela, no de lana, pashmina u seda

Os historiadors piensan que mientres o mandato d'o Emperador Cheng en China, os tapabocas de tela s'utilizaban ta identificar a os oficials de diferents rangos de l'exercito.

Mas tardi, en o sieglo XVII, tamién en Croacia os soldaus levaban tapabocas. A diferencia ta marcar os rangos yera o material, os oficials feban servir tapabocas de seda y os soldaus, de tela. A sobén se les deciba "cravats", d'o termín croata kravata.

En o sieglo XIX, o tapabocas se convirtió en un accessorio de moda ta hombres y mullers.

Referencias editar

  1. (an)/(es) Juan Moneva y Puyol: Vocabulario de Aragón. Edición y estudio de José Luis Aliaga, Xordica Editorial, ISBN 978-84-88920-97-3, 2004, p.432
  2. (en) The Scarf: Started For A Man, Perfect By Women scarftips.com