Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Svante Pääbo
Información personal
Calendata de naixencia 20 d'abril de 1955
Puesto de naixencia Estocolmo, Suecia
Ocupación Biologo chenetista

Svante Pääbo (Estocolmo, 20 d'abril de 1955) ye un biologo sueco, especialista en chenetica evolutiva. Naixió en 1955 en Estocolmo y obtenió lo suyo doctorato en a Universidat d'Uppsala en 1986. Dende 1997, ye o director d'o Departamento de Chenetica d'o Instituto Max Planck d'Antropolochía Evolutiva en Leipzig (Alemanya).

Treballo editar

En agosto de 2002, un equipo dirichito por Pääbo expublicó una serie de descobrimientos sobre o «chen d'o lenguache», FoxP2, que ye absent u se troba malmeso en bellas personas con discapacidaz fonoaudiolochicas.

Pääbo ye considerato un d'os fundadors d'a paleochenetica humana, ciencia que fa servir os metodos d'a chenetica ta estudiar a os primers humans y atras poblacions de l'Antigüedat. En 2006, anunció un plan ta reconstruyir o chenoma completo de l'hombre de Neandertal. En 2007, a revista TIME el nombró una d'as 100 personas mas influideras d'ixe anyo.

En febrero de 2009, en a reunión anyal de l'American Association for the Advancement of Science (AAAS), se i anunció que o Instituto Max Planck d'Antropolochía Evolutiva, en colaboracion con a corporacion 454 Life Ciences, heba puesto enamplar o borrador d'a primera versión d'o chenoma d'o Neandertal, con mas de 3 billons de pars de bases secuenciatas, prochecto que heba gosato encabezar Svante Pääbo.

En marzo de 2010, Pääbo y os suyos companyers publicoron un informe sobre l'analís de l'ADN d'un ueso de dido trobato en as esplugas de Denisova, en Siberia, que os suyos resultatos sucheriban que pertenixeba a un miembro auxidito d'o chenero Homo encara no reconoixito y balptizato como hominido de Denisova.

Premios y reconoiximientos editar

En 1992, recibió lo premio Gottfried Wilhelm Leibniz d'a Deutsche Forschungsgemeinschaft, que ye lo mas gran honor concedito a investigadors y cientificos en Alemanya. Pääbo fue esleyito miembro d'a Reyal Academia d'as Ciencias de Suecia en 2000.

En octubre de 2009, a Foundation For the Future entregó a Pääbo lo Premio Kistler por o suyo treballo en a extracción y secuenciación d'ADNs antigos.

Vinclos externos editar


  Premios Princesa d'Asturias  
Predecesor:
Rainer Weiss
Kip Thorne
Barry Barish
LIGO Scientific Collaboration
Premio Princesa d'Asturias de Investigación Cientifica y Tecnica
2018
Succesor:
No bi garra