Abrir menú principal
Arabic components (letters) in the word Allah.svg Iste articlo contién transliteracions de l'alfabeto arabe. Ta mas información veyer "Transliteración de l'alfabeto arabe a l'aragonés".
Sulaymán ben Hud al-Musta'in
سليمان المستعين
Rei d'a Taifa de Saraqusta

1039 - 1046
Predecesor Abd Allah ben Hakam
Succesor Al-Muqtadir

Naixencia ?
Muerte 1046
Dinastía Hudín

Sulaymán ben Hud al-Musta'in I estió rei d'a taifa de Saraqusta (1039-1046) y fundador d'a dinastía hudí en iste reino.

En a suya choventut destacó a lo servicio d'o exercito d'Almanzor y en as guerras civils que siguioron a lo Califato. Mientres o periodo tuchibí a lo frent de Saraqusta, Sulaymán se mantenió como cadí u gubernador d'as taifas de Leida y Tudela, chusmeso a parias intermitenment por o rei de Saraqusta y barallando contra Sancho lo Gran.

En una epoca de guerras por o poder en a taifa zaragozana, otenió o refirme d'os ciudadans y remató por prenendo lo poder, y metendo como gubernadors d'os districtos d'a taifa zaragozana a los suyos fillos: en Leida situó a Yusuf al-Muzaffar, en Wasqa a Lubb (Lope), en Tudela a Mundir, en Qalat-Ayub a Muhámmad y en Zaragoza, como prencipe y rechent en a suya ausencia, a Áhmad al-Muqtadir.

Se refirmó en Fernando I de Castilla en su enfrentamiento contra la taifa de Toledo por a posesión de tierras de Guadalachara, mientres que Toledo que teneba como aliato a García de Pamplona. Por ixo habioron de pagar parias a istos reis cristians, prencipiando d'ista traza un difícil equilibrio d'alianzas en a zona.

Quan morió en 1046 os suyos cinco fillos, que gubernaban las diferents capitals de districto baixo lo suyo dominio, prencipioron a luitar, ta independizar-sen y mirar dimpués de redotar a los suyos rivals. Totz ells s'independizoron y cudioron moneda propia en as suyas ciudatz como simbolo de poder y soberanía. Estió Al-Muqtadir qui, dende a más important d'istas ciudatz, se fació con o control d'a taifa de Saraqusta.

FuentsEditar

  • CERVERA FRAS, M ª José, El reino de Saraqusta, Zaragoza, CAI, 1999. ISBN 84-88305-93-1
  • CORRAL, José Luis, Historia de Zaragoza. Zaragoza musulmana (714-1118), Zaragoza, Ayto. de Zaragoza y CAI, 1998. ISBN 84-8069-155-7
  • MONTANER FRUTOS, Alberto, "Introducción histórica" al capítulo "El palacio musulmán", en: Bernabé Cabañero Subiza et alt., La Aljafería (vol. I), Zaragoza, Cortes de Aragón, 1998. págs. 35-65. ISBN 84-86794-97-8
  • VIGUERA MOLINS, Mª Jesús, Aragón musulmán, Zaragoza, Mira editores, 1988. ISBN 84-86778-06-9
  • VIGUERA MOLINS, Mª Jesús, El islam en Aragón, Zaragoza, CAI, (Col. «Mariano de Pano y Ruata», nº 9), 1995. ISBN 84-88305-27-3

Vinclos externosEditar