Stop! Or My Mom Will Shoot
Stop! Or My Mom Will Shoot (títol orichinal en anglés, en aragonés Alto! u mi mai disparará, enguerada en Aragón con o títol en castellano d'¡Alto! o mi madre dispara) ye una cinta de cine de comedia d'acción policiaca enguerada l'anyo 1992, dirichida por Roger Spottiswoode seguntes un guión orichinal de Blake Snyder, William Osborne y William Davies, con una banda sonora orichinal d'Alan Silvestri, una dirección de forografía de Frank Tidy y una producción cinematografica d'Ivan Reitman, Joe Medjuck y Michael C. Gross ta la productora cinematografica Northern Lights Entertainment y que conta con un elenco composau por Sylvester Stallone, Estelle Getty, JoBeth Williams, Al Fann, Roger Rees, Martin Ferrero, Gailard Sartain, John Wesley, J. Kenneth Campbell, Ving Rhames, Richard Schiff y Dennis Burkley, entre d'atros actors.
Andrew Bomowski ye un duro achent de Policía de Los Angeles. Cuan Tutti, su mai, se presenta en Los Angeles en a suya casa, la suya vida cambia bien fundament, en entremeter-se la mai de contino en toz os asuntos d'o fillo, escomencipiando por a suya relación con Gwen Harper (qui amás d'estar a suya chefe ye tamién a suya novia) y continando por os casos en que intervién. D'atra man, cuan Tutti limpia l'arma de su fillo y la dixa inservible, decide mercar-ne una nueva, pero cuan la ye mercando a uns traficants, ye testigo d'un asasinato.
A cinta s'ambienta en a suya epoca actual (1992) en a ciudat de Los Angeles en California, y las suyas escenas se filmoron en Glendale, Los Angeles y Santa Rosa en California.[2]
Ye una cinta que ha recibiu bels premios y nominacions, pero garra d'éls ye un feito positivo, en estar premios enta peryors cintas, interpretacions y similars, en destacando tres Premios Golden Raspberry.
| Actor | Papel | Notas |
|---|---|---|
| [[]] | ' |
Se veiga tamién
editarReferencias
editarVinclos externos
editar- (en) Stop! Or My Mom Will Shoot en Internet Movie Database.
- (en) Stop! Or My Mom Will Shoot en l'American Film Institute Catalog de l'American Film Institute.
- (en) Stop! Or My Mom Will Shoot en Box Office Mojo.
- (en) Stop! Or My Mom Will Shoot en TCM Movie.
Datos: Q254555
