Star Wars Episode VI: Return Of The Jedi
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
| Star Wars Episode VI: Return Of The Jedi | |
|---|---|
| |
| Ficha tecnica | |
| Dirección | Richard Marquand |
| Producción | Howard Kazanjian |
| Guión | Lawrence Kasdan George Lucas |
| Musica | John Williams |
| Fotografía | Alan Hume |
| Montache | Sean Barton Marcia Lucas Duwayne Dunham |
| Actors | Mark Hamill Harrison Ford Carrie Fisher Billy Dee Williams Anthony Daniels David Prowse Kenny Baker Peter Mayhew Frank Oz |
| Datos y cifras | |
| País(es) | Estaus Unius |
| Anyo | 1983 |
| Chenero(s) | Cine de ciencia-ficción |
| Durada | 132 min. |
| Idioma(s) | Anglés |
| Companyías | |
| Productora(s) | Lucasfilm Ltd. |
| Distribución | 20th Century Fox |
| Presupuesto | 32.5–42.7 millons de dólars[1] |
| Succesión de cintas | |
| Precedida por | Star Wars Episode IV: A New Hope |
| Informacions en bases de datos especializadas: | |
           
| |
Star Wars Episode VI: Return Of The Jedi (títol orichinal en anglés, enguerada en Aragón con o títol en castellano La guerra de las galaxias: Episodio VI - El regreso del Jedi) ye una cinta estausunidense de cine de ciencia ficción de l'anyo 1983, dirichida por Richard Marquand y producida por Howard Kazanjian con guión de Lawrence Kasdan y George Lucas, protagonizada por Mark Hamill, Harrison Ford, Carrie Fisher, Billy Dee Williams, Anthony Daniels, David Prowse, Kenny Baker, Peter Mayhew y Frank Oz.
En a cinta, l'Imperio Galactico, baixo l'adreza d'o despiedau Emperador, ye construindo una segunda Estrela d'a Muerte pa escachar a l'Alianza Rebelde d'una vegada por todas. Dau que l'Emperador planeya supervisar personalment as etapas zagueras d'a suya construcción, a Flota Rebelde lanza un ataque a gran escala contra a Estrela d'a Muerte pa privar a suya finalización y matar a l'Emperador, metendo fin a lo suyo control sobre a galaxia. Entremistanto, Luke Skywalker, agora un Caballero Jedi, luita por trayer de tornada a su pai Darth Vader a lo costau luminoso d'a Fuerza.
Se consideró a Steven Spielberg, David Lynch y David Cronenberg pa endrezar o prochecto antis de que Marquand sinyase como director. L'equipo de producción se basó en os guions graficos de Lucas mientres a preproducción. Entre que escribiban o guión de rodache, Lucas, Kasdan, Marquand y o productor Howard Kazanjian pasoron dos semanas en un achunte discutindo ideyas pa construir-lo. O calandario de Kazanjian fazió que o rodache prencipiase unas semanas antis pa permeter que Industrial Light & Magic tenese mas tiempo pa treballar en os efectos d'a cinta en a postproducción. O rodache tenió puesto en Anglaterra, California y Arizona de chinero a mayo de 1982. A producción se mantuvo en un estricto secreto.
A cinta s'engueró en os cines o 25 de mayo de 1983, seis anyos dimpués de l'enguero d'a primera cinta, y recibió criticas en a suya mayoría positivas. Replegó 374 millons de dolars mientres a suya presentación teatral inicial, convertindo-se en a cinta mas taquillera de 1983. A lo largo d'os decenios s'han produciu diversas reedicions y revisions d'a cinta, lo que tamién ha levau a suya recaudación total a 475 millons de dolars.
Reparto
editar- Mark Hamill como Luke Skywalker.
- Harrison Ford como Han Solo.
- Carrie Fisher como Leia Organa.
- David Prowse como Darth Vader.
- Billy Dee Williams como Lando Calrissian.
- Anthony Daniels como C-3PO.
- Peter Mayhew como Chewbacca.
- Kenny Baker como R2-D2.
- Alec Guinness como Obi-Wan Kenobi.
- Frank Oz como Yoda.
- Ian McDiarmid como l'Emperador.
Se veiga tamién
editarReferencias
editar- ↑ (en) J.W. Rinzler, The Making of Return of the Jedi, Aurum Press, ISBN 978 1 78131 076 2, 2013 p336
Datos: Q181803
Multimedia: Star Wars: Episode VI – Return of the Jedi / Q181803
