Srivichaya
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
Srivichaya estió una important ciudat portuaria comercial que i habió en l'actual Palembang (Sumatra) con una important talasocracia.
Debió a suya importancia y poder a que os malayos ubrioron un itinerario comercial maritimo entre China y a India substituyindo a la rota terrestre de l'itsmo de Kra. Srivichaya estió un puerto frecuentato por navilios chavaneses, chinos, indios, arabes, persas, etcetra...
A organización politica imitaba modelos indios, con un Maja Rachá como sobirán. Srivichaya estió un centro budista.
Srivichaya tenió una politica expansiva. Prebaba de controlar os territorios d'arredol, (Sumatra, peninsula de Malaca, ueste de Chava), u a lo menos as zonas litorals. Dende o sieglo VII a ciudat de Malayu, tamién en Sumatra, dependeba de Srivichaya.
A dinastía tamil Chola atacó Srivichaya con a suya armata en 1025, encomenzando una lenta decadencia, y fue substituyida por o reino de Majapahit en o dominio d'o comercio maritimo. A fins d'o sieglo XIV a ciudat cuasi fue destruita por os chavaneses de Majapahit, y bels supervivients se refuchioron en Malaca, alavez un lugar de pescataires. Un d'estos refuchiatos ye o principe Paramesvara, arribato en Malaca en 1402, que se convirtió a l'islam pa millorar as relacions con os sumatrans d'o norte y creyó o soldanato de Malaca. Malaca se convertió en un emporio comercial como enantes Srivichaya.
