Malayos

Malayos Melayu ملايو
Muller malaya
Población total
22 millons
Rechions con comunidaz importants
Malaisia 12,3 millons
Indonesia 6,9 millons Tailandia 1,9 millons Singapur 450.000 Brunei 250.000 Aragón 8 Mundo arabe ~60.000
Idiomas
Malayo
Relichión
Islam

Os malayos habitan Malaca, en o sud de Tailandia, en o este de Sumatra y a suya costa, y en Borneu. Se calcula que son 6 millons d'individuos en Malaca, 2 millons en Sumatra y 700.000 en Borneu. Son musulmans sunnitas.

O modo de vida tradicional ye a pesca, l'agricultura, y lo comercio maritimo.

Historia

Orichinalment malayu yera una ciudat d'o sud-este de Sumatra y la suya rechión, dominata dimpués por a ciudat de Srivichaya. En o "Libro de Marco Polo" mencionan una ciudat dita maleur (Maliur en a versión francesa) en Sumatra (de la ciudat de Maleur) en una zona islamizata:

Quando hombre se parte de maledas .c. leguas por exaloch troba se la ysla de ianua la menor la [qual] no boia sino .cc. leguas et hay .viii. Realmes que son ydolatres et cascun Realme ha lenguage por si et ha mucho trasoro et speçieria aquesta ysla es tanto a medio dia que la trasmontana (que) no hi pareçe / et el primer Realme ha nombre ferlech los mercaderos moros que hi van los quales ha(n) conuertido ala ley de mahomet los delas çiudades et lugares do ellos husan los otros biuen como bestias e adoran todas cosas et comen carne de hombre

Os europeus aplicoron o termin de "poblacions malayas" por extensión a lo conchunto de poblacions d'as islas d'o sud-este asiatico porque os marins y comerciants malayos y a suya luenga teneban muita presencia en ixas islas ixemenatos primero dende o emporio comercial de Srivichaya y dimpués dende Malaca.

Huei manimenos actualment lo termin malayo tiende a restrinchir-se a los habitants d'a Confederación de Malaisia.

Luenga

A luenga d'a zona de Malayu, ixemenata por os marins de Srivichaya y dimpués Malaca se convertió en una luenga de relacions interetnicas. Actualment recibe as denominacions de Bahasa Indonesia y Bahasa Malaysia.

Referencias

• Datos: Q142702
• Multimedia: Malay people / Q142702