Ojingeo Geim
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
Squid Game (traducción a l'anglés d'o nombre orichinal en coreano, 오징어 게임; romanización revisada d'o coreano, Ojingeo Geim; en aragonés: Lo chuego d'o calamar)[1][2] ye una serie de televisión sudcoreana de suspense y drama de supervivencia[3] enguerada lo 17 de setiembre de 2021 en Netflix.
Escrita y dirichida per Hwang Dong-hyuk y protagonizada per Lee Jung-jae, Park Hae-soo, Wi Ha-joon, Jung Ho-yeon, O Yeong-su, Heo Sung-tae, Anupam Tripathi, y Kim Joo-ryoung, la serie se centra en un concurso en o cual 456 chugadors, toz de diferents ambitos d'a vida, pero toz fundament endeudaus, chugan a una serie de chuegos infantils con consecuencias fatals si pierden, pa tener la oportunidat de ganar 45 600 millons de wons.[4] Hwang heba concebiu la ideya basando-se en as suyas propias luitas economicas a lo prencipio d'a suya vida, asinas como en a desigualdat economica en Corea d'o Sud.
Dende lo suyo enguero se convirtió en a serie mes vista de Netflix, con mes de 142 millons d'espectadors arredol d'o mundo,[5] superando en ixe alavez a Bridgerton como la serie mes vista d'a plataforma.
En noviembre de 2021 s'anunció que la serie heba estau renovada pa una segunda temporada.[6][7]
Sinopsi editar
La serie narra la historia de 456 personas que deciden convertir-sen en chugadors d'una serie de misteriosos y malaudizos chuegos infantils de supervivencia mortal pa tener la oportunidat de ganar la cantidat maxima de 45.000 millons de wons. Per cada persona que i muere s'anyaden 100 millons de wons a lo pote, enzurizando lo conflicto entre los chugadors.[8]
Lo chuego final, tamién lo que da títol a la serie, ye lo chuego d'o calamar, muit fisico y en o cual només i puet haber que un ganador. Lo chuego se diz asinas ya que l'aria en que se chuga tien diferents formas cheometricas (cerclo, cuadrau u trianglo) dibuixadas en o goso que, en o suyo conchunto, pareixen formar un calamar. Si un atacant aconsigue trascruzar a lo defensor y dentrar en o tozuel d'o calamar, se proclama como ganador d'o chuego.[9]
Referencias editar
- ↑ (es) El juego del calamar: ¿cuál es la historia real detrás de la serie coreana número 1 de la plataforma?.
- ↑ (es) El juego del calamar, la serie coreana de Netflix de la que todo el mundo habla.
- ↑ (es) El juego del calamar, el drama de suspenso que arrasa en todo el mundo. | EL DEBER
- ↑ (en) Round Six (2021).
- ↑ (es) Ya es oficial: El Juego del Calamar es la serie más vista en la historia de Netflix.
- ↑ (en) "“Squid Game” Director Confirms There Will Be A Second Season". Soompi. https://www.soompi.com/article/1497754wpp/squid-game-director-confirms-there-will-be-a-second-season. Retrieved 9 de noviembre de 2021.
- ↑ (es) "Confirman segunda temporada de "El juego del calamar"". El Universal. https://www.eluniversal.com.mx/espectaculos/el-juego-del-calamar-regresara-con-una-segunda-temporada. Retrieved 9 de noviembre de 2021.
- ↑ (en) "Lee Jung Jae And Park Hae Soo Enter A Terrifying World Of Deadly Children’s Games In New Drama Trailer". Soompi. https://www.soompi.com/article/1484076wpp/watch-lee-jung-jae-and-park-hae-soo-enter-a-terrifying-world-of-deadly-childrens-games-in-new-drama-trailer. Retrieved 29 d'agosto de 2021.
- ↑ (en) "Lee Jung Jae’s “Squid Game” Puts A Deadly Twist On Children’s Games In New Trailer & Poster". Soompi. https://www.soompi.com/article/1486887wpp/watch-lee-jung-jaes-squid-game-puts-a-deadly-twist-on-childrens-games-in-new-trailer-poster. Retrieved 2 de setiembre de 2021.
Vinclos externos editar
Se veigan as imáchens de Commons sobre Squid Game.
