Soyuz (nau espacial)

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Soyuz

A nau espacial Soyuz.
Datos chenerals
Estato en servicio
Aplicación Nau espacial tripulata
Operadors Rusia
Destín Estación Espacial Internacional
Especificacions tecnicas
Masa 7080 kg
Grandarias Largaria 7.48 m
Diametro 2.72 m
Volumen habitable 7.5 m³
Elementos orbitals
Tipo d'orbita orbita baixa terrestre

Soyuz (en ruso: Сою́з "chunta") ye una serie de naus espacials disenyadas pa o programa espacial sovietico por a Usina de Disenyo de Serguei Koroliov en o decenio de 1960 que remaneix en servicio hue, habendo fabricau mas de 140 naus. A Soyuz succedió a la nau espacial Voskhod y estió construida orichinalment como parte d'os programas lunars tripulaus sovieticos. A nau espacial Soyuz se lanza en un codete Soyuz, o vehíclo de lanzamiento mas fiable d'o mundo dica hue.

Historia editar

O primer vuelo de Soyuz no tripulau estió lo 28 de noviembre de 1966. A primera misión Soyuz con tripulación, Soyuz 1, se lanzó o 23 d'abril de 1967 pero remató con un accident a causa d'una falla d'o paracayidas, matando a lo suyo cosmonauta Vladimir Komarov. Soyuz 3, lanzau o 26 d'octubre de 1968, se convirtió en a primera misión con tripulación exitosa d'o programa. O solo unatro vuelo que sufrió un accident fatal, Soyuz 11, mató a la suya tripulación de tres cuan a gabina s'espresurizó prematurament chusto antes d'a redentrada. Istos estioron os solos humans dica a calendata que murioron por alto d'a linia de Kármán. Manimenos istas primeras catatumbas, Soyuz ye amplament considerau o vehíclo de vuelo espacial humán mas seguro y rentable d'o mundo, establiu por a suya incomparable duración d'historia operativa.[1]

As naus espacials Soyuz s'utilizoron pa carriar cosmonautas enta y dende as estacions espacials sovieticas de Salyut y posteriorment Mir, y agora s'utilizan pa o transporte dende y ent'a Estación Espacial Internacional. A lo menos una nau espacial Soyuz ye acoplada a la ISS en tot momento pa usar-la como que nau d'escape en caso d'emerchencia. A nau espacial ye destinada a estar reemplazada por a nau espacial Oryol de seis personas.

Partis editar

 

A nau Soyuz se compone de tres modulos: o modulo orbital (A), o modulo de baixada (B) y lo modulo de servicio (C).

Modulo orbital (A)
1 mecanismo d'acoplamiento
2, 4 radar Kurs de rendezvous
3 antena de televisión
5 camera
6 trapa
Modulo de baixada (B)
7 estallo d'o paracaitas
8 periscopio
9 lucana
11 escudo termico
Modulo de servicio (C)
10, 18 motors de control de venzida
12 sensors d'a Tierra
13 sensor d'o Sol
14 chunta d'o panel solar
15 sensor termico
16 antena Kurs
17 propulsador prencipal
19 antena de comunicacions
20 deposito de combustible
21 deposito d'oxichén

Versions editar

  • Soyuz 7K (1963)
  • Soyuz 7K-OK (1967–1970)
  • Soyuz 7K-T (1973–1981)
  • Soyuz 7K-TM (1975)
  • Soyuz-T (1976–1986)
  • Soyuz-TM (1986–2002)
  • Soyuz-TMA (2003–2012)
  • Soyuz TMA-M (2010–2016)
  • Soyuz MS (2016–2020)

Se veiga tamién editar

Referencias editar