Sex and the Single Girl (cinta)
- Iste articlo ye sobre una cinta estausunidense de cine de comedia de 1964; ta atros usos, se veiga Sex and the Single Girl (desambigación).
Sex and the Single Girl (títol orichinal en anglés, en aragonés O sexo y la mesacha soltera, enguerada en Aragón con o títol en castellano de La pícara soltera, en aragonés A picara soltera) ye una cinta de cine estausunidense de cine de comedia romantica de l'anyo 1964 dirichida por Richard Quine seguntes un guión adaptau por Joseph Heller y David R. Schwartz (basau en una historia de Joseph Hoffman basada a la vegada en Sex and the Single Girl, un asayo publicau por Helen Gurley Brown l'anyo 1962), con una banda sonora orichinal de Neal Hefti, una dirección de fotografía de Charles Lang y una producción cinematografica de William T. Orr ta las productoras Richard Quine Productions, Reynard Productions y Fernwood Productions. Fan parte de l'elenco d'actors d'a cinta, en os suyos papels principals, Tony Curtis, Natalie Wood, Henry Fonda, Lauren Bacall, Mel Ferrer, Fran Jeffries, Leslie Parrish, Edward Everett Horton, Larry Storch, Stubby Kaye, Otto Kruger y Barbara Bouchet.
Bob Weston treballa en Stop, una revista extremadament sensacionalista estausunidense. Uno d'os suyos companyeros ha redactau un articlo sobre Helen Gurley Brown, una choven psiquiatra autora d'una guía tya mesachas solteras clamada Sex and the Single Girl, a qui ha descrito como una virchen de 23 anyadas y que por ixo ha perdiu bels clients. Bob preba de fer-li una entrevista ta continar con un atro articlo, pero Helen se niega. Alavez decide fer-se pasar por Frank Broderick, o suyo vecino con problemas matrimonials, y contactar con Helen como si estase un client, en explicando-le los problemas matrimonials d'o suyo amigo como si estasen d'él. Poquet a poquet Bob preba de seducir a la suya psiquiatra.
A cinta s'ambienta en a suya epoca actual (1964) en Los Angeles en California y las suyas escenas se filmoron en ixa mesma ciudat, en Malibu y en os Warner Brothers Burbank Studios en Burbank, localidaz todas ellas situadas en California.[2]
Se tracta d'una cinta con bella nominación a premios cinematograficos, pero que no perteneixen a los premios mas conoixius u destacaus.
| Actor | Papel | Notas |
|---|---|---|
| ' |
Se veiga tamién
editarReferencias
editar
Datos: Q914216
