Selvagem Grande

Iste articlo ye escrito con as normas graficas EFA. Si quiers, puez aduyar cambiando a la grafía oficial de Biquipedia y sacando dimpués ista plantilla.

Selvagem Grande
Selvagem Grande
Localizazión
Estato	Portugal
Archipielago	Islas Selvagens
Oceano	Oceano Atlantico
Cheografía
Superficie	5 km²
Punto más alto	163 m
Mapa
Selvagem Grande en as Islas Selvagens

A Selvagem Grande ye a mayor isla d'as islas Selvagens, parti integrant d'a Rechión Autonoma de Madeira. Tien un aria d'alto u baixo 5 km². A isla perteneixe a o Grupo Nordeste, que encluye amás tres isletas: Sinho, Palheiro do Mar y Palheiro da Terra.

As suyas costas son escarpatas, con bellas espelungas. O suyo punto mas alto ye o Pico da Atalaia, con quasi 163 metros d'altaria. En iste pico, en días de buena visibilidat, se pueden veyer, a o sud, os 3.718 metros d'o Pico de Teide, en a isla de Tenerife, en as Canarias.^[1]

D'as islas Selvagens, a Selvagem Grande y a unica isla que ye habitata tot l'anyo. Cada tres semanas, un barco d'a armada fa una rota a ista isla ta levar provisions a l'equipo de vichilants d'o Parque Natural de Madeira que i viven. Istos profesionals, amás d'o treballo de vichilancia, fan tamién un treballo scientifico monitorizando quantos parametros ambientals, en tierra y en a mar (fauna y flora). En ista isla bi ha un faro y dos cisternas ta almadazenar augua.

A isla se troba a bells 280 kilometros d'a isla de Madeira y a 175 kilometros alto u baixo d'as Canarias.

HistoriaEditar

Mapa d'a Selvagem Grande

A Selvagem Grande yera destín de cazatas regulars dica a creyación d'o Parque Natural de Madeira, y o establimiento d'un puesto de vichilancia permanent. En 1976, se i facioron quantas cazatas, que quasi estricalloron a población de Calonectris diomedea existent, estando muertos tanto eixemplars chóvens como adultos, indiscriminadament. Dende alavez a población ha ito creixendo a moniquet.

Existen vestichios de población, como terrazas de cautivo, una cisterna, canals ta augua (levadas) y mesmo dica un furno. A introducción d'os conellos y, acidentalment, d'os ratons, han suposato una alteración d'a flora autoctona. En 2002 s'encetó un prochecto ta mirar d'erradicar todas as especies introducitas.