Safari Express
Safari Express (títol orichinal d'a cinta, distribuyida en Aragón con o suyo títol orichinal pero tamién con o títol en castellano de Los violentos de África, en aragonés Os violentos d'Africa) ye una cinta de cine de comedia d'aventuras coproducida por o cine italiano y lo cine alemán y enguerada en l'anyo 1976, dirichida por Duccio Tessari seguntes un guión orichinal de Bruno Corbucci, Mario Amendola, Duccio Tessari, Gianfranco Clerici y Antonio Exacoustos, con una dirección de fotografía de Claudio Cirillo, una banda sonora orichinal de Guido De Angelis y Maurizio De Angelis y una producción cinematografica ta las productoras Deutsche Fox AG y Tritone Cinematografica. L'elenco d'actors d'a cinta ye formau, en os suyos papels principals, por Ursula Andress, Giuliano Gemma, Jack Palance, Peter Martell, Giuseppe Maffioli, Lorella De Luca, Enzo Bottesini, Manfred Freyberger, Ilse Zaal, Raf Baldassarre, Giovanni Petrucci, Arnaldo Dell'Acqua y Lorenzo Fineschi.
En bel puesto d'Africa Central en 1951, John Baxter treballa como guía turistico ta Africa Express, una achencia de viaches que organiza recorrius por a sabana. Mientres un d'os suyos recorrius troba a Miriam, una polida muller con amnesia, que mesmo no recuerda ni cómo se clama. Bien luego John descubrr que bel un persigue a la muller, y que se tracta d'un malvau aventurero neerlandés. Cuan a muller recupera la memoria explica que ixe neerlandés yera un incheniero que treballaba en a suya empresa y que, en conoixer que heban trobau uranio en exploracions cheolochicas, organizó l'asasinato d'os propietarios d'a empresa y tamién prencipió a sobornar a lo chirmano d'o chefe d'a tribu a on s'ha feito la troballa ta que lidere una revoltina contra lo chefe y dimpués li conceda la comcesión d'os dreitos mineros.
A cinta s'amienta en bel país indeterminau d'Africa en l'anyo 1951, y las suyas escenas se filmoron en os I.N.C.I.R. De Paolis Studios de Roma.[2]
| Actor | Papel | Notas |
|---|---|---|
| ' |
Se veiga tamién
editarReferencias
editar
Datos: Q2211419
