Saeta del ruiseñor
Saeta del ruiseñor (títol orichinal en castellano, en aragonés Saeta d'o rusinyol, enguerada en Aragón con o suyo títol orichinal) ye una cinta de cine de drama musical de cine espanyol de l'anyo 1957 dirichida por Antonio del Amo seguntes un guión adaptau por él mesmo, por Antonio Guzmán Merino, Francisco Naranjo y Camilo Murillo (basau en una historia de María Dolores Sánchez Ovín y Concha R. Castaño), con una banda sonora orichinal de Miguel García Morcillo y Antonio Valero, una dirección de fotografía de Juan Mariné Bruguera y una producción cinematografica a lo cudiau de Cesáreo González ta las productoras Producciones Cinematográficas Argos y Ultra Films. Fan parte de l'elenco d'actors d'a cinta, entre d'atros, Joselito, Ivy Bless, Archibald L. Lyall, Vicky Lagos, Manuel Zarzo, Aníbal Vela, Félix Briones, Lola del Pino, Emma Picó, Luis Moreno, Manuel Guitián, Carmelo G. Robledo, Luis Roses, José María Sánchez Roda y Mari Carmen Alonso.
Joselito ye un zagal que vive en un municipio d'a provincia de Sevilla, y destaca por a suya buena capacidat como cantaire, encara que como zagal ye bien zaurín y trazón. El Quico, lo novio de su chirmana Carmela, quiere adrezar-lo enta la carrera de cantaire ta aproveitar a suya prodichiosa voz, pero lo zagal no ye conforme con ixo. Bel día conoix a una zagala, Alicia que acaba de plegar en o lugar con a suya familia y ye ciega. Ta recuperar a vista li cal una cirurchía en Estaus Unius pero la suya familia no tien os diners que s'amenistan ta lo viache y la operación, y Joselito demana a l'alcalde d'o lugar que cómo puede obtener diners ta afrontar ixos gastos, y l'alcalde li diz que ta ixo cal estar torero, futbolista u cantaire. Alave Joselito accepta la oferta de El Quico y toz dos marchan enta Sevilla ta partecipar en un concurso de cantaires, pero lo premio ye nomás que 1.000 pesetas y la clasificación ta una atra fase d'o concurso, y deciden marchar enta Madrit ta prebar fortuna. Mientres o viache conoixen a Mr. Richard y a su filla Dorothy, que deciden aduyar-los.
A cinta s'ambienta en a suya epoca actual (1957) en a provincia de Sevilla y en as ciudaz de Sevilla y Madrit, y las suyas escenas se filmoron en Priego de Córdoba (Cordoba, Andalucía).[2]
| Actor | Papel | Notas |
|---|---|---|
| [[]] | ' |