Ruixazo
Un ruixazo[1] seguntes as suyas caracteristicas, ye una mena de precipitación, a sobén de caracter intenso y de poca durada, provenient de nubles convectivas exclusivament: cumulonimbos u cumulos de gran desarrollo vertical. A precipitación puet estar formada tanto nomás por gotes d'augua como incluyir piedra. L'orache de ruixazos se caracteritza por una alternancia rapida de nubles foscas y gordas con claruras de curta durada u nubles finas. Ye frecuent que os ruixazos se repitan cuantas vegadas, con intervalos de precipitación débil u inexistent. Se tracta siempre d'una precipitación relacionada con a existencia de fuertes corrients convectivas por efecto d'importants calentamientos locals u o paso d'activos sistemas frontals.
A intensidat d'un ruixazo gosa estar fuerte; y a durada no gosa exceder guaire d'un cuarto d'hora. Os ruixazos son tipicos d'as masas d'aire fredo y inestable que se troban en a parti posterior d'as depresions que pasan por dencima d'a tierra y d'a mar calients.
Referencias
editar- ↑ (an) Diccionario aragonés-castellano-catalán. Versión preliminar. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024.