Rough Night in Jericho (cinta)
- Iste articlo ye sobre una cinta de cine de western estausunidense de 1967; ta atros usos, se veiga Rough Night in Jericho.
Rough Night in Jericho (títol orichinal en anglés, en aragonés Nueit dura en Jericho, enguerada en Aragón con o títol en castellano de Noche de titanes, en aragonés Nueit de titans) ye una cinta de cine estausunidense de cine de western de l'anyo 1967 dirichida por Arnold Laven seguntes un guión adaptau por Sydney Boehm y Marvin H. Albert (basau en The Man in Black, una novela publicada en 1965 por Marvin H. Albert), con una banda sonora orichinal de Don Costa, una dirección de fotografía de Russell Metty, una producción cinematografica de Martin Rackin ta la suya productora cinematografica Martin Rackin Productions y un elenco formau por Dean Martin, George Peppard, Jean Simmons, John McIntire, Slim Pickens, Don Galloway, Brad Weston, Richard O'Brien, Carol Andreson, Steve Sandor, Warren Vanders y John Napier, entre d'atros actors.
Alex Flood ye un antigo representant d'a lei que agora s'ha convertiu en delincuent y dispara contra una dilichencia en ferindo a lo suyo conductor, Ben Hickman, qui tamién yera d'antes mas representant d'a lei. O solo pasachero d'a dilichencia, un chugador clamau Dolan y que tamién heba estau aduyant de Hickman, ye qui conduz a dilichencia dica lo suyo destín en a ciudat de Jericho. Toz dos viachaban enta la ciudat ta partecipar en l'actuación de Molly Lang, una muller que estió l'amant de Flood cuan iste plegó en a ciudat ta restablir l'orden en a ciudat pero que agora li tien quimera en veyer a suya transformación. Dolan decide asperar en a ciudat que lo suyo amigo s'esquirique y ye testigo d'actos de violencia de Flood. Cuan iste decide apoderar-se d'o negocio de dilichencias de Molly decide aduyar-la, y poquet a poquet s'enamora d'ella.
A cinta s'ambienta en a segunda metat d'o sieglo XIX en o estau d'Utah y las suyas escenas se filmoron en Tucson y atras localidaz d'Arizona y Utah, amás d'en os Universal Studios en Universal City en California.[2]
| Actor | Papel | Notas |
|---|---|---|
| ' |
Se veiga tamién
editarReferencias
editar
Datos: Q3187
