Abrir menú principal

Ricardo Mur Saura

(Reendrezato dende Ricardo Mur)
Ricardo Mur Saura
Información personal
Calendata de naixencia 1962
Puesto de naixencia Flag of Aragon.svg Zaragoza (comarca de Zaragoza)
Ocupación Escritor, antropologo y historiador

Ricardo Mur Saura ye un antropologo y escritor, naixito de Zaragoza en 1962, anque criato durante la suya nineza en Pandicosa, estudió Machisterio, Filosofía y Teolochía, y Cheografía y Historia. As suyas especialidatz son a relichiosidat popular, l'arquitectura romanica y a etnolochía. Como mosén, fa de parroco y capellán de muitos lugars y lugarons de la comarca de la Tierra de Biescas. Uei, tamién ye profesor de Relichión en o C.R.A. Alto Gállego, en a sección de l'I.E.S. Biello Aragón, y en a Escuela de Teolochía de l'Obispau de Chaca.

Ye autor, antimás, de muitas publicacions de conchunta con atros autors, asinas como de bells cincientos articlos de temas d'arte, luengua, historia y antropolochía en quantas revistas y publicacions, como: "Artosilla, en el corazón de La Guarguera" (1995), "Ibort, en tierras del Gállego" (1996), "Susín y la ermita de Nuestra Señora de las Eras" (1997), "Medianeta, un despoblado de Soduruel" (1998), "Por la sierra de Estaún" (1999), "Ubicación de los monasterios aragoneses" (2000), "Viaje a la cuna de Santa Orosia" (2002) u "Memoria sobre el camino histórico de Jaca a Yebra de Basa: o camino del pastor" (2008).

Obras publicatasEditar

Ha publicato muitos libros: O mundo de ro ninón... en Panticosa (Zaragoza, 1981), Geografía del voto a San Indalecio (Chaca, 1991), En torno a la Virgen de la Cueva (Chaca, 1992), Detrás de Uruel. Por los pueblos de Mosen Benito (Zaragoza, 1996), Con o palo y o ropón (Chaca, 1996), Montañas Profundas (Uesca, 2002)... Tamién ye autor d'una traducción inedita de lo Nuevo Testamento en aragonés panticuto. O zaguero libro publicato (2004) ye una novela historica que leva por títol Aquers tiampos tan enrebullatos.