A resta u subtracción (d'o latín subtrahere) ye una d'as quatre operacions basicas de l'aritmetica; se tracta d'una operación de descomposición en a que, dada una cantidat, s'elimina una parti de ella, y o resultato se conoixe como esferencia.

5 – 2 = 3

Ye a operación inversa a la suma. Por eixemplo, si a+b=c, alavez c–b=a.

En a resta, o primer numero se diz minuendo y o segundo ye o subtrayendo. O resultato d'a resta se diz diferencia.

En o conchunto d'os numeros naturals, N, nomás se pueden restar dos numeros si o minuendo ye mayor que o subtrayendo. Si no, a esferencia sería un número negativo, que por definición sería excluyito d'o conchunto. Isto ye asínas ta atros conchuntos con bellas restriccions, como os numeros reals positivos.

En matematicas abanzatas no se parla de "restar" sino de "sumar l'oposato". En atras palolas, no se tien a – b sino a + (–b), a on que –b ye o elemento inverso de b respecto d'a suma.

Lo que fa que s'haiga d'enamplar o conchunto d'os numeros naturals con un nuevo concepto de numero, o conchunto d'os numeros enters, que encluye a os naturals.

Tabla de restarEditar

TABLA DE RESTAR
De 1 - 1 = 0 De 2 - 2 = 0 De 3 - 3 = 0 De 4 - 4 = 0 De 5 - 5 = 0 De 6 - 6 = 0 De 7 - 7 = 0 De 8 - 8 = 0 De 9 - 9 = 0
2 - 1 = 1 3 - 2 = 1 5 - 4 = 1 6 - 5= 1 7 - 6 = 1 8 - 7 = 1 9 - 8 = 1 10 - 9 = 1 11 - 10 = 1
3 - 1 = 2 4 - 2 = 2 5 - 3 = 2 6 - 4 = 2 7 - 5 = 2 8 - 6 = 2 9 - 7 = 2 10 - 8 = 2 11 - 9 = 2
4 - 1 = 3 5 - 2 = 3 6 - 3 = 3 7 - 4 = 3 8 - 5 = 3 9 - 6 = 3 10 - 7 = 3 11 - 8 = 3 12 - 9 = 3
5 - 1 = 4 6 - 2 = 4 7 - 3 = 4 8 - 4 = 4 9 - 5 = 4 10 - 6 = 4 11 - 7 = 4 12 - 8 = 4 13 - 9 = 4
6 - 1 = 5 7 - 2 = 5 8 - 3 = 5 9 - 4 = 5 10 - 5 = 5 11 - 6 = 5 12 - 7 = 5 13 - 8 = 5 14 - 9 = 5
7 - 1 = 6 8 - 2 = 6 9 - 3 = 6 10 - 4 = 6 11 - 5 = 6 12 - 6 = 6 13 - 7 = 6 14 - 8 = 6 15 - 9 = 6
8 - 1 = 7 9 - 2 = 7 10 - 3 = 7 11 - 4 = 7 12 - 5 = 7 13 - 6 = 7 14 - 7 = 7 15 - 8 = 7 16 - 9 = 7
9 - 1 = 8 10 - 2 = 8 11 - 3 = 8 12 - 4 = 8 13 - 5 = 8 14 - 6 = 8 15 - 7 = 8 16 - 8 = 8 17 - 9 = 8

Realizar una restaEditar

Ta restar dos numeros se prencipia metendo o minuendo dencima d'o subtrayendo y ordenando as zifras en columnas de dreita ta cucha seguntes l'orden d'unidatz, decenas, centenas, etc. igual que en a suma.

A resta d'os numeros 1419 y 751 s'ordenarían d'a siguient forma:

 

S'aplica a tabla elemental en a a columna d'as unidatz, parando cuenta que si a zifra d'o minuendo ye menor que la d'o subtrayendo se suma a la zifra 10 unidatz, metendo en a linia d'acarreo sobre as centenas un 1, que se suma a la zifra d'o subtrayendo d'as centenas, fendo o mesmo en a columna d'as unidatz de millar.

A zifra 0 en o minuendo se considera como un 10, mientres que en o subtrayendo no tiene dengún efecto. Si una zifra d'o minuendo ye menor que la d'o subtrayendo, se decrementa en una unidat a zifra d'o minuendo que ye chusto a la cucha d'a que somos tractando y se suma 10 a la zifra d'o minuendo tractata.

Continando con o eixemplo, primero restamos as unidatz, 9 – 1, que no presentan dengún problema quedando 9 – 1 = 8.

 

En o caso d'as decenas, tenemos 1 – 5 y como a zifra d'o minuendo ye menor que la d'o subtrayendo, restamos una unidat d'as centenas d'o minuendo (4 – 1 = 3) y sumamos 10 a las decenas d'o minuendo (10 + 1 = 11), quedando 11 – 5 = 6.

 

Ta as centenas, tenemos 3 – 7 y como antis, restamos una unidat a las unidatz de millar (1 – 1 = 0) y sumamos 10 a las centenas (10 + 3 = 13), quedando 13 – 7 = 6.

 

Como s'han feito 0 as unidatz de millar (0 – 0 = 0) se remata l'algoritmo dando como resultato 668.

 

Se veiga tamiénEditar