Respiración cutania

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

La respiración cutania se fa a traviés de tota la superficie corporal, en lo caso de los anfibios a traviés de la pelleta. Se puet entender como una continación de la respiración de difusión simpla propia de metazous marins sin aparatos respiratorios ni circulatorios, pero cuan se parla de respiración cutania se fa referencia a la respiración d'animals de tierra firme en los que l'aparato circulatorio colabora en lo transporte gasioso dende la pelleta dica tot lo cuerpo.

Si la respiración por difusión simpla ye efectiva en metazous con 1 mm de diametro u la superficie corporal relativament gran en relación a lo volumen corporal en los que las distancias que ha de recorrer los gases son curtas, a mesura que aumenta la mida de los animals la difusión simpla se desviene poco efectiva y cal un aparato circulario pa distribuir los gases.

La respiración cutania se presenta tipicament en los anelidos oligoquetos y en los anfibios. En los anfibios la respiración cutania sola no sería prou porque son animals masiau grans, y se complementa con la respiración pulmonar. Tamién bi ha respiración cutania en bels peixes como las anguilas, u en bels quelonios..

Pa que la pelleta pueda respirar cal que siga humida. En oligoquetos y anfibios bi ha glandulas que secretan un mucus que mantiene humida la pelleta y permite que l'oxicheno se disuelva y pase a los vasos sanguinios por difusión a traviés de la paret corporal.

Bibliografía

• C.P.J.Hickman: Principios Integrales De Zoologia - 10^ena ed. McGraw Hill Education. 1998.
• Natividad Ferrer Marí, Miguel Gracia Vicente y Manuel Medina Martínez: Bachillerato. Biología y Geología, Editorial Bruño, 2008.

• Datos: Q670401