Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
O refriau común,[1]esfriau,[1]enfredau, [1]fermenyo,[1] u rinitis aguda.[2] ye una malautía d'as vías respiratorias altas, consistent en una afección catarral de naturaleza virica, bacteriana u alerchica, favoreixida por efecto d'a fredor u d'a humiditat. Afecta una u mas mucosas y se caracteriza mas que mas por a conchestión en o naso, o garganchón u o peito.
Si creye que aprecisa d'aduya, por favor consulte con un profesional d'a salut.
O rinovirus ye una d'as causas mas frecuents d'o refriau común.
A sobén ye una malautía infecciosaviral leve d'o sistema respiratorio superior (naso y cuello) que produz una hipertermia moderada, arizons y un malestar cheneral. En a mayor parti d'os casos l'achent patocheno ye un virus (rinovirus, mixovirus, adenovirus, virus sincicial respiratorio, picornavirus). Os suyos sintomas, con mas detalle, son estarnugos, secreción nasal, goteyo u conchestión nasal –a sobén a la vegada u un en cada fuesa nasal–, picor, mal de cuello, tos, mal de cabeza y una sensación de malestar cheneral.
Gosa durar de 3 a 10 días y ye una d'as malautías mas comuns estando a suya vacunación inviable a causa d'a gran variedat de patochenos causants.
O refriau común perteneixe a las infeccions d'o tracto respiratorio superior. Ye diferent d'a gripe, una infección viral mas grieu d'o tracto respiratorio,[3] con a que de vegatas se confunde,[4] pero que amuestra sintomas adicionals: fiebre en augmento, tremblors y dolors musculars, tot y que muitas personas trafucan as dos malautías.
A causa d'a gran variedat de d'achents patochenos causants a vacunación no ye viable, por o que la millor manera de prevención ye de privar o contacto cercano con os enfermos, lavar-se meticulosa y regularment as mans y privar tocar-se a cara. Os sabons antibacterians no tienen garra efecto achents patochenos — ye la propia acción mecanica de lavar-se las mans la que elimina as particulas viricas—. Se recomiendan chel con alcol pa mans como metodo efectivo pa reducir a concentración d'os virus infecciosos en as mans. Manimenos, igual que en lavar-se las mans, los cheles alcolicos no proporcionan garra protección residual contra unatra infección.
En cualques países como Chapón las personas refriadas se colocan mascaretas cirurchicas como cortesía enta os de demás y privar-les d'o contachio. En países de fabla hispana, i hai personas que cuan tosen se cubren a boca y naso con a suya prenda de ropa, bufanda u mocador, pa privar que salgan as microparticlas emitidas.
Se veigan as imáchens de Commons sobre o refriau común.
Datos: Q12125
